end ads on 5-2-2018


العودة   منتدى حسبتك لي > شعر - قصائد - خواطر - نثر - قصص - شيلات جديده - بيت القصيد > قصص - حكايات - روايات > روايات كامله ، روايات طويله ، روايات رومانسيه ، روايات حزينه ، روايات جديده

روايات كامله ، روايات طويله ، روايات رومانسيه ، روايات حزينه ، روايات جديده تحميل روايات بصيغة الوورد ، تحميل روايات بالتكست ، تحميل روايات بالجوال

إضافة رد
قديم 2014-10-17, 07:52 AM   #1
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 


السلام عليكم

اليوم بنقل لكم روايه عجبتني حيل
حبيت اطرحها في منتدانا الراقي

روايه بجنون احبك ( للكاتبه ساندرا )



.. بسم الله الرحمن الرحيم ..
.. توكلت على الحي الذي لا يموت ..



.. البارت الأول ..
على الساعة 5:30
بعد صلاة الفجــر , أخذ دوش سريـع ..
وقدام آلمرآيه ..
وهو يشيك على شكله ..
لآبس ثوبه الأبيض , وشماغة الأحمـر , وساعته بجلد بلاك , ولبس الكبك , ورفع طرف شماغه لكتفه , دهنت العود وتسبح بالعطــر الملكي ..
آلتفت لها وشآفها غاطه بالنوم , أقترب منها وبهمس:منال , منال , قومي الله يرضى عليك ..
منال التفت للجهة الثانية وبصوت قريب لزمرة:أنزين ..


نزل لتحت , عند طاولة الطعام ..
شاف عمر و يزيد و رائد ..
رفع يده , وهو يناظر بساعته المحددة بالفصوص الفضية اللآمعه ..
وبجلد أسود يبرز جمالها بمعصمه , وهي تشير على الساعة 6:00 ..
نزلو البنات , ريفان , وعد و بيسان ..
وباندفاع: آسفين يبه ..
أبو عمـر خذ نفس عميق: مرة ثانية لا تتوخرون ..
ريفان:إن شاء الله يبه ..
تجمــع الكـل بالطاولة , وصاروا يفطرون . .
ودقائق إلا جات أم عمـر ..
أم عمر وهي تجلس بالكرسي وهي تشوف الأكل , اللي عبارة عن نوآشف , من جبن , من عسل , ومن جام , ومن قشطة ,
وأخباز وبقهر:هالخدآمة الغبية , كم مرة أقول لها , تغير هالأصناف ..
أبو عمر بدون ميناظرها:وأنا نفسي يجي يوم تسوين الفطور بنفسك , بس لأن ما عندك وقت , جالسة تدبغين وجهك بالمكياج ..

أم عمر بتأفف: وأنت مصر تعكر مزآجي بكل يوم , ما عندك شغل إلا بمنال يا فواز ..
أبو عمر:كلن بيتغير وينصلح إلا أنتــي ..

ريفان تريد تغير الموضوع وباندفاع: إلا ما قلتي لي يمه , وش ألبس مع بنطلوني بلاك الليلة ..؟

أبو عمر قاطعها: وش لزمته هالسؤال ..؟

أم عمر وهي تشرب العصير: لأن صاحباتي بيجون اليوم , عازمتهم على العشاء ..

أبو عمر رفع حاجبه:ومن متى هالكلام إن شاء الله , شاوريني على الأقــل ..
وعد و بيسان بصوت واحد:يبه , ترى ريفان لابسة تنورة الربوع أللي طاف لفوق الركبة ..

أبو عمر ألتفت لريفان وبحده:صــح كلامهم ..؟

ريفان تناظرهم بمعنــى ( الوعد قدام ) وبتمتمه:أن...ا آسفــة ..

أبو عمر ناظر بمنال وبنفس حدته: وعاجبك أللي تسويه , تكلمــي يا معلمة الدين ..

منال قامت من الطاولة:آووه , فواز اليوم كل شيء تحطها فوق رآسـي ( والتفتت للعيال) يلا على المدآرس ..

حاول يضبط أعصابه رغم أنها تلفانه من حالته وحياته معها ..

قام من الطاولة وكالعادة نسـى ما يأخذ مفتاح سيارته:منال جيبي مفتاح سيارتي فوق التسريحة ..
منال وهي تلبس عبايتها وبصوت عالي:يا نانسي , نانسي وطير ..

نانسي الخدامة جات عندها: نعم مدام ..

منال بدون نفس: روحي جيبي مفتاح سيارة بابا فواز فوق التسريحة ..
نانسي هزت رآسها بنعم , وصعدت تجيب المفتاح ..

أبو عمر تنهد:أنا لو أبي الخدامة تجيب المفتاح , كان ما تعبت نفسي وطلبت منك هالشيء ..

أم عمر قاطعته بطفش:عارفه أنك تنتظر مني أني أنا اجيبه , بس أنا مشغولة زي منت عارف ,
ولا تنسـى أن ورآي دوام حالي حالك .. وبعدين وش تفرق لو جابته هي أو أنا .. !!

أبو عمر غمض عينه بقوة:أنتي من متى صرتي فاضية لي أو لعيالك يا هانم , عطيني يوم فضيتي به عشاني أو عشانهم ..

أم عمر التفت له وبحده: أنت اليوم , مدري وش جرى لك , مغير حاط الحره فيني ,
وأنت تدري أن تصرفاتي وأفعالي مو من اليوم , من زمان هالشيء , ( وهي تشوف ساعتها ) ولو تكلمنا أكثر من كذا ,
وبيرن الجرس وأحنا ما خلصنا , وتكون رآحت علي الحصة الأولى ..


يتبـــــع |



  رد مع اقتباس
قديم 2014-10-17, 08:21 AM   #2
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

أم عمر التفت له وبحده: أنت اليوم , مدري وش جرى لك , مغير حاط الحره فيني ,
وأنت تدري أن تصرفاتي وأفعالي مو من اليوم , من زمان هالشيء , ( وهي تشوف ساعتها ) ولو تكلمنا أكثر من كذا ,
وبيرن الجرس وأحنا ما خلصنا , وتكون رآحت علي الحصة الأولى ..

أبو عمر مرد عليها , لأنه لو تكلم مهوب موصل لغاية بالأخير ..

صعدت السيارة وهي معه , وعد و بيسان.. لأنهم بنفس مدرسة أمهم ..

أما عمر بالجامعة يدرس , و ريفان كذلك , ويزيد ورائد بالمدرسة يوصلهم معه بطريقة للجامعة ..
.
.
.

على الساعة 9:10 صباحا ..
جلست تفطر مع أمها , ومرت أبوها . .

أم بكر بتردد: أنا وأمك من كم يوم , قلنا أن بدل جلستك بالبيت تشتغلين ..

أم هدى بتأيد: أي يا يمه , وش رآيك أنتي ..؟

لين: أنا ......

أم بكر قاطعتها: بنسبة لأبوك أنا بتكلم معه , وشغلتك مآبه لا أختلاط ولا حاجة , أنا كلمت أختي أم عبد الاله ,
وقالت أنها تحتاج لعميلة لها , يعني تكونين مديرة أستقبال , وش قلتي يا لين ..؟

لين تنهدت: بس يا خاله ..

أم بكر با أبتسامه: شوفتك وأنتي حزينة , ولا قادرة تنسين كونك مطلقة مهوب عاجبنا ,
عشان كذا أنا كلمت أختي , وبشوف أبوك اليوم ..

أم هدى:بعون الله بيوآفق , وحتى نظام شغلك بيعجبه , من الساعة 11 تتوآجدين لين الساعة 9 بالليل ..

لين: يعطيك العافية خالتي , ويا يمه , الله لا يحرمني منكم ..

وقامت شالت صحون الأكل ..

أم هدى مسكت يدها: يعطيك العافية يا وصايف .. طول عمرك وأنتي أصيلة ..

أم بكر أبتسمت لها: وش هالكلام يا باسمة , بنتك هي بنتي , وولدي هو ولدك ..

أم هدى تأثرت بكلام صاحبتها: معرف كيف أرد لك جمايلك علي يا وصايف ..

أم بكر بنفس أبتسامتها: أنتي هم ما قصرتي , ولا به لزوم كل وحدة تذكر مزاياها لثانية لأن أحنا عارفين بعض ..

وسكتوا شوي ..
أم بكر تغير الموضوع: إلا دقت عليك أم ياسر ولا ..؟
أم هدى كشرت: جعلها ما تدق , حسبي الله عليها وعلى ولدها فوق وعلى تربيتها ..

أم بكر:خذنا سنه من تطلقت لين , ومهوب مكفيه من شرها ..

أم هدى بقناعة: ربك ميضيع حق أحد أبد يا وصايف , زي مظلموا لين معهم , وهو ما عرف قدرها , مهوب اليوم يعرف ,
بيعرف قدرها لتزوجت , والمثل يقول , ما تعرف قديري إلا لما تجرب غيري ..

أم بكر بكره:الله لا يهنيه , وحسبي الله عليه وعلى أمه ..

أم هدى شافت بنتها من بعيد , وأشرت لأم بكر أنها تسكت ..

عشان ما تتكدر , ليــن . . .

لين جلست جنب أمها وبحماس: أجل دور مين اليوم ..؟ يا حريم الحج متولي ..

أم هدى وأم بكر: هههههههه ..

أم بكر: دوري اليوم , وعشان أني دورت لك على شغله , وأني بقنع أبوك لزوم تسويــن الغدآء عني ..

لين بضحكه: أبشري يا خاله , مالك إلا الرضــى التام ..

.
.
.

شغله اليوم كان مكثف , وجاء بدري غير عن عادته ..
وعلى الساعة 2:15 ظهرا . .
فتح الباب بمفتاحه , وهو متعب ..

رفع نظره وشاف منال زوجته جالسة بالصالة بروب بيت منتهي الصلاحية , وشعرها به زيت ..

عرف أنها مزيتته عشان العزيمة الليلية , أو بمعنى اصح بعطل الأسبوعية تحط الزيت ..

تلطم على طول , بعد مشم ريحه شعرها اللي تشبة الثوم والبصل المعمر ..!!

منال أول مشافت فواز , قامت شقت الورقة من الدفتر وتوجهت له ..
منال مدت له الورقة ..

فواز مسكها وبتعجب:وش ذه ..؟

منال: طلبات تجيبها على أساس العزيمة ..


يتبـــــع |

  رد مع اقتباس
قديم 2014-10-17, 08:22 AM   #3
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

منال: طلبات تجيبها على أساس العزيمة ..

فواز ناظر الورقة وفتح فمه للآخر:معجنات من فطائر مشكلة , ورق عنب وكل واحد منهم صحنين بحجم وسط .. حلويات منوعة من سعد الدين ..
(مقدر يكمل وبقهر) كم مرة أنا أقول لك , لما أرجع من دوآمي , لا تبدين طلباتك ..

منال: أنا بس حبيت أعطيك خبر ..

فواز خذ نفس عميق وهو يستغفر بداخله: يا الله أن تلهمني الصبر , المهم قولي للخدامة تكب الغداء ترى حدي جوعان ..

منال: طيب ..

توجهه لغرفته ..
شلح شماغة والكبك , فتح أزرار ثوبه , وشلحه ..

فتح الدولاب وطلع له بجامة رمادية با أكمام حاير ..

رجع شعره لورى , تعطر بعطر فورس ..

سكر الباب بشويش ..

توجه لغرفة بناته ( ريفان , وعد , بيسان ) ..
طرق الباب بشويش ..

البنات:ادخل ..

فواز دخل والأبتسامة على وجهه : السلام عليكم والرحمة ..

البنات: وعليكم السلام والرحمة ..

بيسان با أبتسامه: أللي يشوفك يقول أنك أخونا , مهوب أبونا ..

فواز رد لها الابتسامه: أي , أشوف البنات يتحذفون علي ..

وعد باندفاع: لا , أنت لأمي وبس ..

فواز بخاطرة ( يا الله تخلف على أمك بس ): ترآي جوعان حيل , ولزوم تتغدون معي ..

بيسان: أي يلا , أنا بنزل ..

ولحقتها وعد ..

وجات بتطلع ريفان بس مسك يدها وبهمس: أبي أكلمك شوي ريف , تسمحين ..؟

ريفان بتردد: أي أكيد يبه , وقتي كله لك ..

فواز جلسها جنبه ومسك يدها: أعرف أنك مخبيه علي شيء , أو أنك مكسوفه بعد مفضحوك خوآتك بفطور اليوم ..

ريفان ناظرته وبندم: يبه أنا آسفة , محبيت أخذلك أو أطلع من شورك بس أغلب البنات يلبسون زي الموضـة ..

فواز مسح على شعرها:وأنا منيب ضدك , بس ضد أنك تلبسين عند الفخذ ..

ريفان باندفاع:أنا لبست لتحت الركبة ..

فواز بنظرات شك:متوكدة ريفان أنه لتحت الركبة .. !!

ريفان ناظرت أبوها لها فضحتها ونزلتها بخيبه أمل ..

فواز بحنان: عشان هالشيء أنا رفضت أنك تلبسين , والعين لها حق يا بنتي , وأبيك أنك ما تكررينها أبد ..

ريفان تنهد:إن شاء الله يبه ..

فواز باس جبين بنته:الله يرضى عليك يا بنتي , يلا قومي عشان نتغدا ..

ريفان أبتسمت وقامت معه ..

صعد فوق مع ولده عمر ..

وشال أمه ونزل بالدرج ..
وعمر يشيل الكرسي المتحرك لها ..
قربها من طاولة الطعام ..

أم فواز: أجل وين منال ..؟

وعد: زي منتي عارفه يا جده , هي تختار لها لبسه عشان عزيمة ربوع اليوم ..

فواز بدون أهتمام: ووش الجديد , يلا أكلوا ..

وبدأ كل منهم يأكل بصمت..

وبعد الغداء ..
أم فواز نزلت فنجان القهوة وناظرته: عيونك حزينة يا ولدي , عسى خير إن شاء الله ..؟

فواز تنهد: الحمدلله على كل حال يالغالية , بروح أجيب جوالي وأجيك ..

أم فواز:مابه خلاف ..

دخل غرفته , وشافها معفسه الغرفة بملابسها فوق السرير وينزل منه شوي ..

منال ناظرته بحيرة:إلا وش رآيك فواز , ألبس ذه ولا ذه ( وهي تأشر عليهم ) ..
فواز ناظرهم: وش الزود فيهم , كل واحد أشلح وأفصخ من الثاني , لبسي حاجة أستر وبتصيرين أحلا ..

منال كشرت بوجها:ذه الموضة , ووش عرفك فيها , أنت من الطرآز القديم ..

فواز: أفضل أكون من الطرآز القديم على قولتك , على أنك تتشلحين بلا معنــى قدام ناس ما يحلون لك ! وتبرزين مفاتنك لهن !

منال تأففت: أنا من أسألك بشيء أتندم , لأن لا أسلوب عندك , ومتعقد بعد ..

فواز: دائم لما أقول الوآقـع , يكون جوابي بنظرك معقدك ولا به أسلوب ..

منال بزمره:العيشــه معك تقصر العمر , وأنا صابرة عليك واجد ترى ..

فواز انصدم من كلامها , وبسخريه: والله ما يندرا من أللي صابر على الثاني ..

منال رفعت من نبره صوتها وبقهر: أنا نفسي أعرف حاجة وحدة بس , وش أللي يعجبك فيني أصلا ! مغير متذمر ولا يرضيك شيء , وهالأيام ذي زدت , مدري وش غيرك كذا ..

فواز ماسك أعصابه: لا يعلى صوتك على صوتي , وقصريه ..

منال كفتت يدها وعطته ظهرها: أنت ما جاوبت لأن ما عندك رد على سؤالي !!
أنت تدور الزله علي عشان تعصب وتتنرفز , ولا أنا نفسي ما تغيرت , زي اليوم الصباح تدري أني أتأخر عند الفطور , وبيوم الربـوع بذات ما تواجد على الغداء ,
وتدري أن كل ربوع أسوي عزيمة لصديقاتي , وأحين تجي وتتكلم , وصوتك كان واضح وسمعته وطنشت , فكر شوي وشوف من أللي غلط بحـق الثاني ..

فواز بكره ويأس وحزن:صبري عليك فاض , ولا عدت أستحملك ..

منال رفعت حاجبها وبوقاحة: يكفــي أني متحملتك ورآضيه بالعيشة معك ! حتى مصروف ما تعطيني مثل الخلــق , ولا أسلوب ولا تعامل ,
وصديقاتي رجالهن أللي جايب لهم خدامتين , وأللي مسفرها تركيا أسبوع وأللي ماليزيا , وأللي رآفع حرمته لفوق , وأنا حظي مالت علي بس ( وهشت على وجها ) ..

فواز هز رآسه بقله حيله سحب جواله , وطلــــع ..

منال بصرآخ: وهذا حالتي معك , مغير تطلع ولا ترد علي , حسبي الله عليك من رجال ..

فواز شد على قبضه يده وناظر با آمه الجالسة بالصالة وتناظر فيه بحزن ..




آنتهــــى البارت |

  رد مع اقتباس
قديم 2014-10-17, 08:26 AM   #4
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

.. البارت الثــــانــــي ..

فواز هز رآسه بقله حيله سحب جواله , وطلــــع ..

منال بصرآخ: وهذا حالتي معك , مغير تطلع ولا ترد علي , حسبي الله عليك من رجال ..

فواز شد على قبضه يده وناظر با آمه الجالسة بالصالة وتناظر فيه بحزن ..

فواز: سمعتــي .. ؟

أم فواز بحزن: سمعت , صوتها كان عالي حيــل ..

فواز بحزن: وأحين عرفتي ردي على سؤالك من شوي ..؟

أم فواز نزلت رآسها لتحت ..

فواز: وش أقول , ووش أتشكــى يا يمه , الحــل مهوب عند الخلــق , عند الخالــق ..

أم فواز مسكت يد ولدها: مهوب زين لك يا ولدي , تخلف ورآهآ أمرآض , لا تكبد أللي بقلبك ..

فواز جلس جنبها وبحزن نابع من قلبه:ووش أشتكي عنه يالغالية ؟ عن جحدها ونكرآنها , ولا عن صوتها العالي , ولا أن ما عندها أسلوب ولا تجلس معي ولا مع العيال ,
وأن تكلمت جابت أهلها يتدخلون ويغثوني , أنا منيب ضعيف شخصية يا يمــه , بس أنا صابر عليها عشان العيال , ولا كان من زمان حاطها عند أهلها ..

أم فواز أخنقتها العبرة من كلام ولدها ..

فواز كمل: وأنتي شايفه حياتي معها بكل ظروفها وبكل الأمور الشينة والزينة , على أن حياتي معها ما شفت لا زينة ولا سعادة , صابر عليها وتقول أن هي الصابرة !!
وأعطيها بالشهر 2000 ولا باين بعينها على أنها مدرسة بس هم مغرقها بالفلوس , وكل مطلبت شيء لبيــت "نفذت" لها , وأن ما نفذت لها شيء ,
جابت أخوانها وصدعوا راســي , ومضطر أمشـي بعض الأمور , عشان متعــب أكثر من كذا يا يمــه ..

أم فواز مسحت دموعها بطرف شالها: والله أني شايفه , وعارفه أن طبعها قبيح معك , ومع غيرك < كانت تعني نفسها ..

فواز ستغراب: وش تقصدين يالغالية بمع غيري ..؟

أم فوار تغير الموضوع: أجل منت برآيــح تجيب لها العزبه لحفلتها !

فواز: بعد صلاة العصر بجيب لها ..

أم فواز: أنا أعرفها , وأنت أكثر , مهوب ساكته من الحنــه إلا لما تجيب لها العزبة قبل العصــر .. !!

فواز:ا ....

منال دوبها داخله وكفتت يدها: ليه مجبت الأغرآض ..؟

أم فواز ناظرته وكتمت ضحكتها ..

فواز أبتسم با أبتسامه باهته طافيه: إن شاء الله , أحين ألبس ثوبـي وأجيب لك أغراضك ..

وقام باس رآس أمه: تبغين شيء يالغالية ..؟

أم فواز با أبتسامه: ما بغــى شيء يا ولدي , انتبه لنفسك , ولا تســرع ..

فواز رد لها الأبتسامه: أبشــري يالغالية ..

وطلع من الصالــة ..

ناظرتها بغرور ووقاحة: زي كل ربوع , ياليت تضفين وجهك من الدور الأرضــي , وصعدي فوق , ولا تنزلين وتفشليني ..

أم فواز متعودة على أسلوبها وكلامها الجارح , وهزت رآسها با أنكسار: إن شاء الله ..

منال كشرت بوجها: وجــع , عجوز قريــح ..

وطلعت من الصالة ..

أم فواز بخاطرها ( الله يجيرك يا ولدي على صبرك عليها , حسبي الله عليك من حرمه , حسبي الله عليك .. )

.
.
.

: وأنا مدري وش أسوي يا يمه معه ..

أم ميثاء: أنا أقول لزوم ما تسكتين عن حقك يا بنتي , حيلك بالرجال ..

ميثاء: وأنا منيب ساكته أصلا , بس محتارة معه وش أسوي ..

أم ميثاء: لو بغيتي شوري يا بنتي , زوجك صنفه ردي , ما ينفــع معه الهدوء أو السكوت , لزوم تعطينه العين الحمرآء من اليوم ..

ميثاء بقهر: تصوري يا يمه, اليوم عصـب علي عشان أني بلبس فستان قصير ناعم بلمه اليوم ! مع العلم أني ألبس كذا با أي وقت ..

أم ميثاء بحده: أنا قايله أن زوجك متغير وأكيد أحد حــادة عليك , صدقيني ..

ميثاء بحده: أنا أعرف من أللي حادة علي , أحين مقدر أقول لك حاجة لأنه برا ينتظرني , بعطيك العلوم بكره يمــه ..

أم ميثاء بحماس: با أنتظارك يا بنتي , أنتبهي على نفسك ..


يتبــــع |

  رد مع اقتباس
قديم 2014-10-17, 08:27 AM   #5
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 



أم ميثاء بحماس: با أنتظارك يا بنتي , أنتبهي على نفسك ..

مثياء باست راسها: إن شاء الله , فمان الله ..


صعدت بالسيارة وركب العيال ورى ..

وبترحيب: هلا والله بعمري كله , أكيد أشتقتي لــي ..

ميثاء بحده: أنت أكيد فيك أنفصام بالشخصية , أللي يشوفك يقول أن ما كنا من وديتني ببيت أهلي معصب , ومقومها حرب علي ..

تنهد بصمت: أعذريني أعصابي تلفت , شغل وضغط وأنتي أدرى ..

ميثاء بنفس حدتها: لا تظن أني بصدقك , أنت كذاب بكــل شيء يا هاني ..

هاني ألتزم الصمت , وهو يسمع كلامها أللي كل بعد نقاش معها يسمعه .. !!

نزل من السيارة ..

وهو شال عياله بيده , وهي قدام تمشــي ..

دخلت الشقــة وتوجهت على طول للغرفة ..

بينما هو , دخل بنته وولده لغرفهم بعد مبدل ملابسهم ولحفهم ..
خفـت النور , وطلع ..


دخل الغرفة ..

ميثاء مسكت الوسادة وحذفته بوجهه بقوة :أنقلــــع برآ ..

هاني ماسك اعصابه: ميثاء رجاءا تقـي ألفاظك , أحنا حلوين مع بعض أحين , ولا تنسين أني زوجك ..

ميثاء بقهر: قرادة فيني أني خذت واحد زيك ..

هاني:وليه وش أللي مو عاجبك فيني ..؟

ميثاء: خلنــي ساكته أبرك لــي ..

هاني شلح ثوبه وجلس جنبها:أنا آســف حبيبي , ما كان قصــدي , وأوعدك أني منيب مكررها أبد ..

ميثاء ناظرته ..

هاني بصدق: أنا وعدتك أحين !!

ميثاء: طيب ..
هاني: يعني رضيتي علــي !!

ميثاء أبتسمت على خفيف: برضــى بس بشرط ..

هاني مسك يدها وبحماس: تدللي ..

ميثاء : أنك تعشيني بالمطعم ..

هاني بهمس:حياتي أنتي تعرفين , أن اليوم جمعتنا مع الربــع بالأسترآحة ..

ميثاء بقهر: يعني شلون ..

هاني: يعني أني بروح لهن , منيب مطول حدي ساعة , وبعدها بشــري بالخير على الساعة 9 بوديك أفخم وأحسن مطاعم ..

ميثاء بحماس: طيب ..


بالأسترآحة ..
جمعه رجال ..

وكل واحد منهم له قصة مختلفة بمجتمعنا هذا ..

وقد تكون جديرة بالطرح , فا أطرحها لكم , لما فيها مــن الواقعية ..

أول مدخل , الكل رحب به كالعادة ..

وهو منشدهم .. !

الكل: هلا والله با أبو عمــر ..

أبو عمر با أبتسامه يصارع بنفسه:هلا بيكم ..

جلس نفس مكانه المعتاد , وسط المجلس ..

جاه أبو بلال , وهو ذو جنسية يمنيه , قايم بالأسترآحة وبالضيوف ..

ومد له فنجان القهوة: سم ..

أبو عمر خذ منه الفنجان: تسلم يا أبو بلال ..

أبو بلال با أبتسامه: طولت ..

أبو عمر ( ألبي طلباتها التعجيزية ست منال العالم ):بنتي تعبت ووديتها المشفــى ..

أبو بلال: ما تشوف شر , أنا متشوق لصوتك يا أبو عمر ..

أبو عمر : تسلم يا أبو بلال , إن شاء الله بس أنتظر أبو خالد يجي ..

أبو بلال:بعون الله ..

ورآح عنه ..
إلا برنه جواله ..
فواز ناظر جواله , وتنهد وعلى طول قصر على الصوت , لأن صوتها يبتخترق الأذن , ويسمع الكل !


يتبـــــع |

  رد مع اقتباس
قديم 2014-10-17, 08:27 AM   #6
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

إلا برنه جواله ..
فواز ناظر جواله , وتنهد وعلى طول قصر على الصوت , لأن صوتها يبتخترق الأذن , ويسمع الكل !

ورد بهمس: هلا أم عمر ..

منال بحده: وين كيكة باسكن روبنز , مو قلت لك جيبها ..

فواز بنفس همسه:أنا جبتها , توكدي من الأغراض صح ..

منال بعصبيه: يعني أنا مشوف حضرتك ..

نانسي جات: مدام أنا في حطي كيكة داخل ثلاجة ..

منال: حسبي الله عليك من شغاله غبية , وليه ما تكلمتي ..؟

نانسي بخوف:أنتا ما في أسأل أنا ..

منال بصوت عالي: يا جعلك الماحي .. " وبزمرة " وأنت يلا مع السلامة ..

فواز تنهد بضيقة , وسكر السماعة بدون ميقول أي كلمة ..

جلس جنبه من دون حتى مينتبه له ..

وجاء أبو بلال وقام بالوآجب تجاهه ألتفت لأبو عمر وباين عليه أنه سرحآن:علامك يا أبو عمر ..؟

أبو عمر أنتبه له , وبذهول: أنت متى جيت ..؟

أبو خالد:أنت من تجي بالأسترآحة وأنت مهموم حتى لو ضحكت وخذتك السوالف , أنا خويك وأعرفك زين ..

أبو عمر تنهد بصمت: أحاتي بنتي يا هاني ..

أبو خالد: عسى ما شر .. !!

** أبو عمر أتكـل هاليوم حجة له , ويمشي عليها:تعبانة ..

أبو خالد بشك:وكل يوم بنتك تتعب ..؟

أبو عمر , كان حاط فرضيات بباله , أن لو شكــى لصاحبه عن معاناته , وش بيستفيد بعدها ..؟

ففضل أنه يغير الموضوع:عاد جاني أبو بلال , وقال أنه يريد يسمـع صوتي العذب ..

أبو خالد:ههههه أوخص يا وآثق .. بس ما تنلام , حنجرتك ذهبية ما شاء الله .. ( وبصوت عآلي ) أبو عمـر بيسمعنا شيء اليوم ..

الرجال ألتفتوا له وبحماس: أي تكفــى يا أبو عمر , من زمان عن صوتك ..

أبو عمر سكت شوي , وبعدين دخل بهالسطر , كنه بهالبيت يشفي أوجاعه .. !!

وبصوت عذب :
العمــر ولي البخت طاح ما قام ..
والحظ وقف والليالي عجــولة ..
نصبــح على هــم ونمســى على أوهــــام ..
ضيــم الدهــر بالدرب نوح ذلولـــة ..
با أحلام عشنــا , وافترقنا بالأحـــلام ..
نحلـــم ونحلــم من زمان الطفــولة !
يا صــاحبي ما فادنا كــثر الأحـــلام ..
حكــم القــدر فارض علينا ميولـــه ..

أبو خالد تنهد بحزن: آآآه بس , أنا أشهــد أنك صادق ..

أبو بلال:روحك أللي تتكلم , مهوب أنت يا أبو عمر ..

أبو عمــر أكتفـى أنه يبتسم له ..

أبو سعد:صــوتك غطــى على خالد عبد الرحمن ..

أبو عمر:ههههه وش دعوة يا أبو سعد ..

أبو سعد: وأنا صادق ..

أبو عمر , محب يجادلة , لأنه عارف وش يقصد أبو سعد بقوله , لأن الحـزن بصوته , يطابق صوت وبحه خالد .. !!

فواز ألتفت له: علامك يا هاني , شكلك ما يسر .. !

هاني تنهد: عصبت عليها , وقومت حرب ..

فواز: آف .. !!

هاني: تقول أن أحد حدك علي .. !

فوار: أي ..

هاني كمل: ولا رآح ترضـى إلا أوديها مطعم ( وهو يشوف ساعته ) على الساعة 9 أنا مواعدها ..

فواز ( سبحان الله , لو حرمته تصادق الست منال كان صارت علوم ومشاكل بغنى عنها .. ! ) أبتسم: زين ما تسوي , حاول أنك تكسبها وشوف وش أللي مضايقها ..

هاني: قصدك هي أللي مفروض تشوف أللي مضايقني ..

فواز بنفس أبتسامته: معليه يا أبو خالد , حاول مرة مرتين , ترى به غيرك أسوء حياة منك .. !!

هاني تنهد بحزن: الحمدلله على كل حال
وجلس حول نصف ساعة ( وبصوت مسموع ) يلا أنا أترخص ..

الكل: فمــان الله ..

شرب بيالتين شاي , وهو يفكر بعمق بحياته مع منال ..


يتبـــع |

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبه , احبك , بخنون , رواية , ساندرا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة أحبك كثر ما جانا صباح ( ن ) يشبهك نوره # ماندُولين♩ قصائد صوتية 2 2014-11-15 05:06 PM
رواية لمى في شقة شباب ملوكاا روايات كامله ، روايات طويله ، روايات رومانسيه ، روايات حزينه ، روايات جديده 12 2014-10-11 01:51 AM


الساعة الآن 05:23 AM.


Powered by vBulletin® Version
Copyright ©2000 - 2018, vBulletin Solutions, Inc. seo by : www.resaala.net
Search Engine Friendly URLs by vBSEO 3.6.1
دعم Sitemap Arabic By