العودة   منتدى حسبتك لي > شعر - قصائد - خواطر - نثر - قصص - شيلات جديده - بيت القصيد > قصص - حكايات - روايات > روايات كامله ، روايات طويله ، روايات رومانسيه ، روايات حزينه ، روايات جديده

روايات كامله ، روايات طويله ، روايات رومانسيه ، روايات حزينه ، روايات جديده تحميل روايات بصيغة الوورد ، تحميل روايات بالتكست ، تحميل روايات بالجوال

إضافة رد
قديم 2014-10-01, 12:28 AM   #31
دلـ،ـع حَسبتّك . ♡
الصورة الرمزية ملوكاا
 
ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا غير متواجد حالياً

 


البـــــ السـادس والعشـرين ــــارت


ريمــاس : أيـش تسـوين .. ؟!
الهنوف بخجل : ارسل لـ مسـاعد مسج ..
ريمـاس تضحك : اووووووووووووخص ياخطيره من متى الهنوف تتكرم ترسل مسجات .. ؟
الهنوف بخجل اكبر : الحب ومايـسوي .. انتِ لو تحبين صدقيني بتحسين فيني ..
ريمـاس تغني : هيَ مـرآ وتوبة مابحب تـوبة .. قلبي شكثر عـانـى من الحب ودروبه ..
الهنوف ناظرتها شوي وقالت : انــا شاكه فيك من قبل والحين زادت شكوكي اخـلصي مين هذآ الي حبيتيه ..؟
ريمـاس تضحك : بلآ غبـاء وش احب عشان غنيت هذي .. !
الهنوف : رمييييييييس اخلصي ..
ريماس تضيع الموضوع : تصدقين ان أليـ
الهنوف تقاطعها : لا تغيرين الموضوع ..
ريماس : مافي شي عشان اغير الموضوع اسـاساً
الهنوف : بزعـــــل ..
ريماس تتنهد : وش تبين انتِ .. ؟!
الهنوف : ابي الحقيقه ..
ريماس تنبطح وتغمض عيونها : اييييييه احب ..
الهنوف تحمست : مين .. ؟ وكيف .. ؟ ومتى. .. ؟
ريماس تضحك وتقول : شوي شوي
الهنوف : الزبده اخلصي جاوبي ..
ريماس : نــــــاصر ..
الهنوف شهقت : قسسسسسم حسيت
ريماس تضحك : طيب هذاك عرفتي وش استفدتي .. !
الهنوف : مدري اهم شي اني عرفت طيب من متى .. ؟
ريماس : من فترة ..
الهنوف : يدري او نوره تدري .. !
ريماس : لا طبعاً وش يدريهم . ؟
الهنوف : غبيه كان قلتي لنـوره طيب ..
ريماس : تخيلي بس .. ! قوييييييه اقول لأخته ..
الهنوف : مو قوية بعدين نورة خطيبة سعود .. !
ريماس : تيب وإذا . ؟
الهنوف : يعني عادي ..
ريماس : سكري الموضوع ..
الهنوف : ليه .. ؟!
ريماس : كَم هُو مؤلم أن تَقضي وقتك بِ التَفكير في شَخص .. // لآ تَعلـم إذا كآن يَعلم بِ وجودك أو لآء .. </3
الهنوف سكتت ماعرفت وش تقول ..
ريمـاس تنط : هنووووووووووووووووووف
الهنـوف : وشـو ..؟
ريماس : تدرين ان ملكة غرور وزواجها بنفس اليوم
الهنوف : اييييه استغربت والله
ريمـاس : من جد حتى انـا استغربت ولا بعد الي خلاني استغرب اكثر انها بوقت قصير .. بعد مايرجعون ألين واسيل بعد اسبوعين ..
الهنوف : عـادي لا تنسين ملكــتي ..
ريماس تضحك : اوخص ياملكتــي انــا
الهنوف استحت : موووووووووووووز .. " موز = ز* .. ^_* تغيير للفظ طحنا عليها انا وصاحباتي "
ريماس تضحك : اتقطع على الي يستحون المهم قومي ننـام احس عيوني بتسكر ..
الهنوف : تـوهــا 2 .. !
ريماس : عـاد فيني النوم كيفك ماتبين تنامين لا تنامين ..
الهنوف : لا وش يصحيني لوحدي بنام وياك ..
ريماس : يالله تيب ..
---------------------------------------------------------
كـادي : غرور .. !
غرور تبكي : تعععععععبت قسم بالله ياكادي تعبت ..
كادي تضمها : تصـبري غرور ..
غرور : لمــتى يعني .. ! مابقــآ الا 13 يوم على زواجي ..
كادي تداري دمعتها : ياليت بيدي اعمل لك شي ..
غرور تبكي : ادري انك ماتقدرين بس " تشهق " والله ماأقدر اتحمل .. المشكله يا كادي مع كل الي يسويه احس اني متعلقه فيه احس احس " تشهق مرآ ثانيه " احس اني احبه شلوووووون كذآ شلون .. ؟!
كادي تغمض عيونها وتطيح دمعه : لأنك شفتي شي غريب .. على قد ماهو كان وقح وتصرفه قاسي انتِ تعرفين انه انسان طيب وتعرفين ان هذآ الشي بس يسويه معك وهذآ شي يخليك مميزه ..
غرور تشهق : ماأبي اكون مميزه ابي ارتاح بس والله ابي ارتاح .. ذبلت عيوني من السهر ودموعي مو راضيه تجف ماعمري بكيت كذآ والله ماعمري ..
كادي تهمس في اذنها : عسى ان تكرهوآ شيئاً وهو خير لكم ..
غرور تبكي اكثر : وييييين الخير وين .. ! قولي لي وينه وانــا اروح له ..
كادي تبوس راسها : تكفين ياأمـــي انتِ لا تبكين ..
غرور حاولت تهدى بس مافي فايده ..
كادي بحذر قالت : لـيه ماأكلمـه واقـ
غرور تقاطعها : لا ياكــادي مايـنفع اعــرفه بيعند وبيسوي مشكله وماأبي تصير لك مشاكل بسببي ..
كادي تهمس : طيب كلمـي امك قولي لها مافي مثل الأم ..
غرور تشهق : وش اقول لها .. ! اقول لها ولد عمي يسوي فيني كذآ .. ؟ هه ماأقدر اخرب فرحة امـي في بنتها الوحيده ..
كـادي وكأن جات ببـالها فكـره : غرور جاتني فكرة ..
غرور : وشــو .. ؟!
كـادي : يمكن ماتعجبك بس اسمعيني للنهاية ..
غرور : طيب ..
كادي : انتِ تحبينه وهـو بشكل غريــب يهتـم انه يضايقك وهذآ شي مـو طبيعي .. بنفرض شيئيين .. الأول انـه يظن الي قلتيه اول مرآ تقابلتوا خدش لرجولته ويبي ينتقم وهذآ احتمال مو وارد كثير .. والأحتمال الثاني انـه .. " سكتت شوي " انـــه يحبك ..
غرور فتحت عيونها بصدمه وقالت : مستحيييييييييييييل ..
كادي : أيش يدريك .. ؟!
غرور : واضح مايحتاج .. قـوية يحبني ويسوي فيني كذآ وش هذآ الحب .. ؟! مايسـمى حب هذآ ..
كادي : يمكـن مايعرف يطلع حبه لك الا بهذي الطريقه
غرور بصدمه وهمس : مو معقول ابــد ..
كادي : عندنــا مهله اسبوعين نكتشف هذآ الشي ..
غرور : كيــف .. ؟!
كــادي : راح تغيرين اسلوبك مـعـه .. تحاولين تتصرفين بنعومه على طبيعتك يعني .. وماتظهرين عدوانيتك بس بنفس الوقت ماتظهرين حبك .. يعني كأنك تعودتـي وعادي الموضوع عندك ..
غرور هزت رآسهــا : ماأقدر والله ..
كـادي : اسمـعيني غرور .. مافي الا هذي الطريقة .. واسـاساً حتى لو طلع مايحبك صدقيني بهذي الطريقة راح يحبك .. انتِ بس طيعيني ..
غرور : استحـــي وغير كذآ ماأقدر والله ..
كادي بتأكيد : تقدرين صدقيني ياغرور ..
غرور امتلت عيونها دموع وقالت : بحاول .. مابيدي شي اسويه غير هذي الطريقة ..
كادي : وانــا راح اكون معك خطوه بخطوه وبتشوفين كيف بنصييييييييييده .. وهذآ وجهي لو مايحبك ..
غرور تهمس : الله يســتر ..
-----------------------------------------------------------

" بيت بو خـالد "

حـذام تضحك : وش فيك .. ؟!
جمانه بتوتر : مدري ايش اختار من بين هالصور ..
حذام تمزح : جيبيهم كلهم واخوي ينقي ..
جمانه شهقت : بلا غباء حذام حسي فيني ..
حذام تضحك : صدقيني حاسه فيك ..
جمانه : واضح المهم بسرعه أي صورة اختار .. ؟
حذام تفكر : البـولـو الزرقـاء ..
جمانه لفت بسرعه وشافت الصورة وفكرت شوي بعدين قالت : مدري احس مدري شلون شكلي ..
حذام تضحك : تقولين كذآ لأنك متوتره صدقيني هذي احلى صورة مع ان الصور كلها حلوه ..
جمانه بتردد : طيب خذيها ..
اخذتها حذام وحطتها بشنطتها وهي تضحك على ملامح جمانه وهي تراقبها تحط الصورة ..
حذام : ماراح ياكل الصورة اخوي .. !
جمانه تضحك بتوتر : عارفه بس يختي احراج مهما يكون ..
حذام تمد لسانها : ادري انه احراج بس لازم الاحراجات في الخطوبه ياعمري انتِ ..
جمانه : بنشوف وش بتسوين إذا انخطبتي ..
هنـا على طول جا ببـال حذام فيـصل .. !
واحمـر وجها بس جمانه ماأنتبهت لأنها متوتره ..
جمانه : اسمعــي اول ماتعطينه الصورة تقولين لي وش رايه بكل امانه تكفيييين ..
حذام : طيب ..
جمانه : احلفي تقولين لـي بالضبط وش يقول ..
حذام تضحك : والله بقول لك الحين ممكـن انزل لأخوي العتيد الي منتظر على نار تحت .. ؟!
جمانه ولع وجها : تيب انقلعي ولا تنسين تكلميني اول ماتوصلين البيت ..
حذام تضحك وهي تطلع : طيب يالله سـلام ..
وطلعت وخلت جمانه متوتره تروح وتجي ..
دخلت شموخ : شفيييييييييييييك .. ؟!
جمانه شوي وتصيح : عطيتها الصورة ..
شموخ تضحك : صورتك .. !
جمانه : ايه ..
شموخ : طيب عادي شفيك كنك بتموتين .. ؟!
جمانه : بلاك ماجربتي بشعوري ..
سكتت شموخ ومـرت على وجهــا غيمة حزن ..
بس هنــا مافاتت على جمانه المتوتره وقالت : شفيك .. ؟! صاير بينك وبين سفيان شي .. ؟!
شموخ تصرف : هاه .. ! لا وين مين قال . ؟!
جمانه : شموخ تراك ماتعرفين تكذبين شفيك .. ؟
شموخ جلست بـيأس وهي تقول : احسسسه مايحبني مو بس كذآ يعني مدري شلون احسه مايبيني ..
جمانه بأندهاش : وش هالكلام انتِ .. ؟!
شموخ : والله يعني مايهتم ماعمره لمح ولا قال شي .. ونادر مايكلمني وإذا كلمني كلمتين وسكت .. ماأحسه يهتم وكأنه مايبيني ..
جمانه استغربت : يمكن سفيان خجول ..
شموخ هزت رآسهـا : حتى لو كان خجول ماتوصل لـين هنـا يعني ابد وربي مايهتم عادي كأني واحد من اخوياه مـاعمره حسسنـي اني خطيبته ومحجوزه له من سنين معقوله ماعاد يبيني .. ! او حب غيري .. ؟
شهقت جمانه : مستحيل أيش هذآ الكلام انتِ بعد .. ؟
شموخ بحزن طاغي على ملامحها والدموع خانقتها : مدري والله ياجمانه مدري ابيه يتهم ويحس .. ابيه يحسسني اني شي مهم في حياته .. مو واحد من اخوياه .. ! حتى البرودكاستات حقته كلها كورة واشياء كذآ خخخ ياليته يرسل شي عادي على الاقل احس انه لي .. ابد وربي تعبت احس مدري شلون وكأنه ماعاد يبيني ..
جمانه : ياأمـي هذآ الشيطان يوسوس لك ولا مافي شي يمكن بس مثل ماقلت لك سفيان خجول او متحفظ او مايعرف يطلع مشاعره .. اصبري صدقيني إذا تملكتوآ كل شيب يتغير ..
شموخ بهمس : الله يسـمع منك ياجمـانه ..

-------------------------------------------------------------

" بـيت الجد "

جـاسم يدف سطام : وخـــر ابجلس هنـا ..
سطام يدفه ويجلس : انــا جيت قبلك بعدين لا تنسى انك خطيب اختــي اهون بعدين ..
جاسم يضحك : ألعـــب غيـرها يـاحلو ماهو على كيفك مو ولي امرها انت ..
سطام يضحك : يالنذل يعني ماأهمك لو اعترضت .. ؟!
جاسم يضحك اكثر : لا طبعاً بعد تبي تفرقني عن حبيبتي وتبيني اهتم .. !
سطام يمزح : بعد حبيبتي .. ! شين وقوي عين بعد .. !
جاسم يضحك : طير منـــاك بس ..
الشيخه : بس يامزعجين صدعتوآ راســي
سطام يمزح : خلاص يالشيخه راحت عليك ..
الشيخه : وش راحت علي وش تهرج انت .. ؟!
سطام : يعني خلاص مايفيد تتدلعين على جدي وتقولين هذآ يعورني وهذآ مايعورني ..
الشيخ وهو يدخل : وليه ماتتدلع وش ناقصها ..! يعني بس الدلع لزوجتك يعني .. ؟! قـم اذلف مناك يالي ماتستحي ..
جاسم اطلق ضحكه قويه : كااااااااااااااااااااااااااااااااااااااااااااااااا ااااااااااااااك هزأوووووه وييييييييو ..
سطام بإنزعاج بسيط مع ضحكه : افــا يـابوفهد جالس انكت انـــا ..
الشيخه : ايه جا الي يعرف لك ..
الشيخ يجلس جنب زوجته : هذي الغالي محد يدس لها طرف الا امحطه بالعقال ..
سطام يضحك : الله يهداك وش فيك معلق على امحطك بالعقال .. !
الشيخ يقوم : الظاهر تبي تجرب العقال على ظهرك ..
سطام يقوم بسرعه : لا لا والله اسسسسسسف توبة ماأعيدها ..
جاسم خلاص مو قادر يوقف ضحك ..
الشيخ يكلم جاسم : وهذآ الي انت فالح فيه تضحك على خويك يالي ماعندك مروا .. !
هنا جا دور سطام يضحك على جاسم ويقول : وييييييييو هزأووووووه مسكين ههههههههههههههههههههههاي ..
جاسم يضحك : كذآ زين ياجدي تضحك سطوموه علي .. ؟
الشيخ : تستاهل محد قالك اضحك عليه هذآ خويه يالي مالك خوي ..
سطام يضحك : حلوه يالي ماعندك خوي .. هههههههههههههه اصبر اصبر بنشرها عند الربع ..
الشيخ : بس انت الثاني وش ماكلين انتوآ قبل لا تجون .. !
جاسم يضحك : أكلنا مسجل محشش قبل لا نجي ..
وضحك ومعه سطام من قلب .. والشيخ والشيخه يناظرونهم بـ استغراب على حالة الضحك الي جاتهم .. !
الشيخه تقوم : الحمدالله والشكر بس استخفوآ وقعدوآ عيالي ..
سطام يكلم جاسم : لاحظ قالت عيالي مو احفادي عشان ماتكبر نفسها ..
جاسم يضحك ويسايره : هههههههه ايييييه لاحظت لاتحاولين ياجده انتِ كبيره مهما تسوين ..
الشيخه : مالت عليكم بس .. مانتوآ كفوا شواربكم ..
سطام وجاسم بنفس الوقت قالوا : آححححححح قوية ياشيخه ..
رن جوال جاسم وشاف اخوه جهاد ورد بضحك : هلآ جهـاد
جهاد بفرحه : جسوووووووم بارك لي ..
جاسم استغرب : وشو .. ؟!
جهاد بفرحه واضحه : صرت ابـو ..
جاسم نقز : أحلف .. !!!
جهاد يضحك : والله وانت صرت عم اخيراً ياسي جاسم ..
جاسم بفرحه : ألف ألف مبروك .. وينكم أي مستشفى اجيكم . ؟
جهاد : مستشفى ***** ********
جاسم : جايكم الحين ..
جهاد : انتظرك .. فمان الله ..
جاسم يلف عليهم : زوجة جاسم ولدت ..
الشيخه الي كانت توها داخله من بعد ماراحت المطبخ قالت بفرحه : صج .. ؟
جاسم يبوس راسها ويقول : صجييين مبروك يالشيخه ..
الشيخه دمعت عيونها وهي تقول : ياقلبي ياجهاد صار ابو ..
الشيخ بفرحه : وش جاب .. ؟
جاسم ضحك وهو يقول : والله من فرحتي نسيت اسأله ..
سطام يقوم : قم قم بس نروح له المستشفى ..
جاسم : يالله ..

----------------------------------------------------------

" في المستشفى "

اول مادخل جاسم القسم شاف جهاد راح له بسرعه هو وسطام وسلموا عليه وباركوا له ..
سطام : بنت ولا ولد .. ؟
جهاد بـ أبتسامه طالعه من قلب : ولد ..
جاسم وسطام صرخوآ بونـاسه : فهووووووود شرف
وسلمـوآ على بعض بالخشم ..
جهاد يضحك : مفروض انا الي تسلمون علي بالخشم مو انتم يالفالحين ..
راحوا له وسلموا عليه بالخشم وهم مبسوطين ..
جاسم : اجل وين امي .. ؟!
جهاد : بالطريق جايه ..
يـاسر جا مستغرب : شباب .. !
لفوآ عليه كلهم وقالوآ بنفس الوقت : هلآ ..
وضحكوآ على نفسهم ..
يـاسر : وش عندكم هنآ .. ؟!
جهاد يضحك : حنـا في أي قسم .. ؟
يـاسر من غير لا يستوعب : قسم النسـاء والولاده ..
ثواني واستوعب وصرخ : جهاد صرت ابووووو .. !
جهاد يضحك : ايه ..
راح بسرعه وسلم عليه وبارك له : يتربى بعزك يارب ..
جهاد : امين ..
جاسم : وانت وش جيبك هنا قسم الولاده .. !
سطام قال يمزح بشكل درامي بنفس الوقت الي جاو فيه زوجة عمه وغرور : يـاسر ليكون متزوج وزوجتك تولد هنـا .. ! تؤتؤ من ورآنــا تتزوج .. ! وبنت عمك يالخاين .. ؟
يـاسر يماشيه بالمزح : شسوي بعد تزوجت وهذآني بصير ابو ..
وقفت غرور وامها بصدمه من كلام سطام الي ماأنتبه لهم ..
لف جاسم وشافهم وشهق : امــي غرور ..
لفوآ كلهم بخوف يناظرون الي وراهم ..
على طول قال سطام : خالتي ترآ نمززززززززح قسم بالله
وقفوا شوي .. وغرور منصدمه من الكلام مع انها عارفه انه مزح ..
ثواني وتمالكت نفسها وراحت سلمت على جهاد بعد ماشافت امها تحركت ..
غرور بهدوء : ألف مبروك حبيبي يتربى بعزك ..
جهاد يمزح يبي يغير جو شوي : وصرتــي عمه يـاغرور ..
ضحكت غرور من قلب وقالت : اصبر والله لأدلع ولدك دلع بعد قلبي هو ..
جاسم يبي يحرجها : دلعــي فهود عشان تعرفين كيف تدلعين عيالك بعدين مابقى شي ..
هنــا حست انها بتموت ..
لفت وشافت ياسر يناظرها بطريقة غريبه ..
راحت بسرعه دخلت الغرفه الي شافت امها تدخلها ..
غرور : السـلام عليكم ..
غرام + ام جهاد : وعليكم السلام ..
راحت تسلم على غرام : الحمدالله على سلامتك يتربى بعزكم ان شـاءالله ..
غرام بتعب : الله يسـلمك ..
ام جهاد : يالله ياغرور نمشي ..
غرور بأستغراب : ليه توو جينا .. ؟!
ام جهاد بحنيه : نخلي غرام ترتاح مسكينه اول ولاده لها وقيصريه .. " قيصريه = ولاده مو طبيعيه .. يعني بعمليه "
غرور شهقت : ليييييييه .. !
ضحكت غرام بخفيف وقالت : مدري ولد اخوك مستعجل يطلع في السـابع وماهو راضي يطلع بطبيعي ..
ضحكت غرور وسلمت عليها وطلعت هي وامها ..
وكـانوآ الأولاد للحين موجودين ..
غرور بشكل سريع راحت عند المصعد وهي تقول لأمها : راح اسبقك لـ تحت ..
ام جهاد : طيب انا بشوف العيال وبجيك ..
ضغطت على زر المصعد وانتظرته يجي ..
فتح وكان فيه 4 رجال فَ تراجعت .. لين سكر ثواني ورجعت تضغط على الزر ..
بعدين فتح المصعد وكان فاضي ركبت وانتظرته يسكر .. بس فجأه دخل رجال معها المصعد .. !
دخل الرجال من هنا وسكر المصعد من هنــا ..

-------------------------------------------------------

" بـيت بو جـود "

سلطان : جوييييييد خلاص عاد بلآ هالصياح ..
جود تمسح دموعها وهي تشهق : انت تقول كذآ لانك ماتدري وش صـار ..
سلطان يضحك : الله يخلف عليك تصيحين هالصياح عشان رواية .. !
جود زادت دموعها : ياحيـاتي البطل كسر خاطري قسم بالله ماتت حبيبته يوم زواجهم قسم بالله " وتشهق " شي يعور القـلب ..
سلطان يضحك : عسـى فجر ماتكون مثلك بس ..
جود تصيح زياده : ياحمـار ماتت في زواجهم .. !
سلطان يضحك : طيب من غير سب لو سمحتـي ..
جود تصييييح : طيييييير منـاك بس ..
رن جوال سلطان وكان طلال رد وهو يضحك : جيت والله جـابك يـاطلول ..
لفت بسرعه جود وهي تأشر له ياويلك لو تكلمت ..
طلال يضحك : آمــر .. !
سلطان : ألاخت جود جالسه تصيييييييييح ..
طلال شهق وقال بخوف : شفيها مين زعلها .. ؟!
سلطان يضحك : شوي شوي سحبت الاكسجين محد زعلها لا تخاف ..
طلال بخوف : اجل شفيها تصيح .. ؟
سلطان يضحك : تقرآ روايه اثنين يحبون بعض والبنت ماتت في يوم زواجهم وجلست تصيح ..
طلال بحنيه : أمــــي هي ..
سلطـان يضحك : الظاهر جلست تتخيلك بعد موتها في عرسكم ..
طلال شهق وقال بخوف كبير : بسم الله عليها يومــي قبل يومـها ..
جود ضربت سلطان وحطت يدها على قلبها : ياحمــار تفاول علي وانــا اختك يالي ماتستحي ..
طلال يضحك : احـــس هذآ دواك ياكلــب ..
سلطان يضحك : يعني هي تقول اني حمار وانت كلب أي واحد انــا . .؟!
طلال يضحك : الاثنين ..
سلطان : مالت بس ..

------------------------------------------------------------

" عـند غرور "

حست بخوف وهي تشوف يـاسر يدخل معها المصعد ..
يـاسر يناظرها بنظره ماعرفت تفسرها وقال بسخريه : اشوفك تأثــرتي يوم سمعت سطام يمزح بزواجي بالسر ..
غرور كانت بتقول " هه ماهميتني لو تزوجت عشر غيري لانك ولا شي بالنسبة لي " بس ذكرت نفسها بكلام كادي وهذي فرصه تبتدي فيها الخطه وقالت بنعومه : طبعـاً مو خطيبي .. ؟ اكيد ماأبي احد ياخذك منـي ..
يـاسر انصدم وبـان في وجهه بس بسرعه تمالك نفسه وقالت بسخريه : لا والله .. !
غـرور بنعـومه اكثـر : والله .. ماراح اسمح لأحد ياخذك منـــي حبيبـي
غرور بداخلها تقول بخوف " وش حبيبي استخفيت الظاهر .. ! "
يـاسر هزته هذي الكلمه لدرجة انه اول ماأنفتح المصعد طلع بسرعه ..
جلست تضحك غرور عليه وعلى نفســها ..
وبسرعه اتصلت على كـادي وقالت لها ..
كادي تضحك : مـاقلت لك يـاغرور .. !
غرور تضحك : والله اني مجنونه كيف قلت له حبيبي .. !
كادي تضحك : عـادي اجل بس هو الي يتمـادى .. ! خل يعرف ان الله حق ..
غرور تضحك : طيب وبعدين شسوي .. ؟
كادي : عشان تكمـل رسلـي له رسـاله ..
غرور : ايش ارسل .. ؟
كادي : أي شي عن الحب او كذآ عاد شوفي الي عندك ..
غرور : اوكِ برسل له وحده وبرسلها لك بالبيبي ..
كادي : اوكِ انتظرك ..
غرور : تيب ..
شافت وحده وهي تحوس حستها قوية بـس تجرأت ورسـلتها ..
ورجعت ترسلها لـ كادي في البيبي ..
كادي تضحك : قوييييييييييييييييه ههههههههههههههههههههههه
غرور : ادري انها قوية بس تعمدت خل اشوف وش بيسوي ..

" عند يـاسر بالسيـاره "

كـان جالس يفكر بصـدمه بالي مسـاعه يحس نفسه يحـلم ..
تذكر كلمـاتها ونعـومتهــا وكيف قالت حبـيـبي .. !
يـاسر " انــا وانتِ تدعين علي وتكرهيني احبك كيف كذآ .. ؟! "
وصلته رسـاله فتحهـا بملل وشـاف الصـدمه الي خلته مايصدق ..
" ډٱمگ زڕعٺ ٱلح‘ـب ♥. .
ڤيے ډاخليّے زڕع . . !!
ٺگڤـۓ
ما ٱبيے غييييييرگ [~:$
منْ آلنـّاس ” يسقيـہ ♥ "
همس بينه وبين نفسه : حـرام عـليك ياغرور تلـعبين في مشـاعري كذآ .. !


انتهـــى البـارت ..

التوقيع:
  رد مع اقتباس
قديم 2014-10-01, 12:28 AM   #32
دلـ،ـع حَسبتّك . ♡
الصورة الرمزية ملوكاا
 
ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا غير متواجد حالياً

 


البــ السـابع والعشـرين ـــارت ..


سمعت همـهمـات جنبهـا واصوات تعلى وتنخفض حست بأنها تحـلم .. لفت للجهه الثانيه وسمعت اصوات تعلى استغربت وش ذآ الحلم .. !
فتحت عيونها وشهقت بخوف لمـآ شـافت ريمـاس والهنـوف وكادي وجمانه وشموخ حولها ..
قـامت مرتـاعه : وش فيكم .. ! وش صـاير .. ؟ " شهقت بخوف " جدتي صـار لها شي .. !
جمانه تضحك من قلب : لا قومــي بسـرعه يـالفالحه ..
حذام قامت ولازال الخوف يتمكلها : وش فيكم تكلموآ بسرعه .. ؟
ريمـاس بحمـاس : قـومــي والله لـو ماحلفان امـي انو مانصحيك كان من زمان انتِ صـاحيه ..
حـذام استغربت : خالـتي .. ! من متى انتوآ هنا .. ؟
جمانه تضحك : من نص ساعه ..
حذام : وليه ماصحيتوني .. ؟
كادي : مثل ماقالت ريماس خالتي حلفت مانصحيك ..
حذام : ليه .. ؟!
ريمـاس بحماس كبير : لأن يـاست حـذام بـابـا وفيصل تحت عند عمـي جايين يخطبون ..
حذام لسـى ماأستوعبت : يخطبون مـين .. ؟
الهنوف بحركه مسرحيه : اممممم فجر وانخطبت يـاترآ مين غير فجر .. !
حذام وهي من جد مو مستوعبه وناسيه سالفة الخطبه : فجـر .. ! ومـين غيـر فجـ " وشهقت يوم استوعبت الموضوع "
طبت عليها شموخ : قـومـــي الله يحر أبليس جايين يخطبونك وانتِ نـايمه ..
حذام من غير سابق انذار شهقت وجلست تصيح ..
وهذآ الشي خلآ البنات يخافون ..
جمانه تضمها : شفيك حذوم . .؟
حذام تغطي وجها : يالخايسات وش هالفشله هم تحت وانتوآ ماصحيتوني .. !
انفجـروآ البنات من الضحك ..
جمانه توخرها : على بالي عندك سالفه ..
كـادي بطريقة دراميه حطت يدها على قلبها وقالت بمزح : خفت على بالي تحبين واحد وعمي بيجبرك على فيصل وراح تضطرين تهربين مع حبيبك المجهول وتتزوجون ..
لفوآ كلهم على كادي يناظرونها بأستسخاف ..
كـادي تبلع ريقها : ماتضحك .. !
انفجروآ من الضحك من كلمتـها ووجها ..
كـادي تمسح حبات عرق وهميه : الحمدالله على بالي ماتضحك ..
كملوآ ضحك ولفوآ على حذام ..
ريـماس : وش تنتظرين يالله بسرعه على الحمام " الله يكرمكم " ..
راحت بسرعه حذام على كلام ريمـاس ..
وجلسوآ البنات يناظرون بعض بِ ونـاسه ..
طلعت حذام ولبست على الـسريع ونزلت مع البنات وهي متقطعه من الحيـاء ..
سلمت على زوجة عمها وكانت بتموت من الخجل ..
ام ريـاض : ليه تستحين .. ! انتِ بنتــي ..
حذام زاد حيـاهـا ..
ام فواز بفرح : مســتعده للشوفه .. !
حذام بخرعه قالت : أي شـوفه .. !
ام فواز : شوفت السنه ..
حذام بخوف : مـامـا ماأستعديت ..
الهنوف تتطنز : بعدين تعـالوآ انتوآ ماأخذتوا راي البنت إذا وافقت ولا لاء على طول شوفت سنه .. !
ريماس تضحك : ميـن قـال .. ! انــا اخذت رايهـا ومـامـا كلمت خالتي قبل يومين ..
شهقوا كلهم ماعدآ جمانه الي تعرف بهذآ الشي ..
وبدوآ البنات يحتجون ليه ماقالوا لهم ..
ام فواز : المهم يالله يابنتي روحي ادخلي ..
حذام بخوف وحياء وتوتر : لا مـامـا خليها يوم ثاني قسم ماأستعديت ..
جمانه تتخصر وقالت من غير لا تفكر : ياسلام وانــا جايه هنـا ورامـيه خجلي ورآي وانا خطيبة اخوك عشان اشوفك تدخلين على سي سيد في الاخير ماتدخلين .. !
ثواني واستوعبت وش قالت وغطت وجها بيدينها وهي تسمعهم يضحكون عليها ..
فجر تضحك : انتِ من زمان اصلن راميه خجلك ..
ام فواز تضربها وتقول : بلآ قلة ادب يابنت " وقالت موجها كلامها لـ جمانه بصدق " انتِ بنتـي ومو غريبه عشان ماتطبين بيتنا عشان فواز ... هو الطالع وانتِ الداخله ..
فواز من ورآ الباب يقول بمزح : اسـمع خيـانه من الحين .. هاه جمون ناويه تقلبين بيتنا علي .. !
شهقت جمانه بخجل وخوف وغطت وجها بالخداديه والبنات يضحكون عليها ..
فواز يضحك : شوي شوي يابنت عمتـي خلصتي اوكسجين بيتنــا ..
رجعت تشهق مرآ ثانيه من الصدمه والبنات يزيدون ضحك ..
فواز : يالله عاد لا تضحكون على جمونتـي ماأرضى عليها ترآ ..
حذام تضحك : واضح جالس تفشلها من الصبح وتقول ماأرضى عليها ..
فواز شهق هالمرآ وقال : انــا فشلتها .. ! افــا بس افـا ماأكون رجال لو فشلت جمونتــي الحلوه ..
جمانه هنـا خلاص حست نفسها راح تتبخر ..
كــادي بتموت ضحك قال : اشـوفك يـافواز ماخذ راحتك تتغزل بجمون ..
فواز بمزح : اجل بس السيد سطام الي يتغزل ياحرم سطام ..
كادي تضحك بخجل قالت : ماأقدر اغلبكم يـاعيال الـ ****** مافــي اقوى منكم ..
فواز يضحك : ولـووو يـابنت الـ ***** مافي مثل طيبكم واصلكم ..
كادي : تسلم ..
حذام تمزح : فوازوه ترآ عندنــا عنصـر حريمي هنآ يغارون بشكل مو صاحي واول حرف من اسمهم جمانه ..
فواز يتنهد : آآآآه يالبى هالحرف انـا اشهد ان راعيته خلتني اروح ملح
همست جمانه بخجل لـ ريمـاس بشي ..
وفضحتها ريماس وهي تضحك : ياولد عمي تقول جمانه عليها الحرام ماعاد تطب بيتكم مرآ ثانية قبل الزواج ..
سمع شهقت جمانه القويه بعدها صوت ضرب خداديات الي اكيد على ريمـاس ..
ضحك فواز : افــا ياحرم فواز افـــا ..
الهنوف تضحك : للتذكير لسى مابعد تصير حرمتـك ..
فواز : ههههههه قريب ان شـاءالله ..
ام فواز : اشوف جازت لكم السوالف مع فواز .. ! وانت بعد اشوف جازت لك السوالف ونسيت ليه جاي .. !
فواز يضحك : اييييي والله ذكرتيني ياأم فواز .. حذامــي يالله خطيبك يبي يشوفك ..
حذام شهقت : مو مستعده ..
سمع هالمرآ صوت جمانه الي نست وجوده مع الحماس : قومــي يالخبله مو كل يوم راح يكون لك شوفت سنه مع روميـو ..
فواز بمزح : إذا هو روميو انــا قيس يـاليلى ..
جلسوآ يضحكون على كلامه وعلى خجل جمانه الي ندمت انها جات ..
قـامت حذام بخوف .. وتوجهت للباب الي اخوها واقف ورآه ..
طلعت له وهي خايفه ودخلت معه المجلس وهي ترمي السلام بخجل واضح ..
فيصل يناظر الارض : وعليكم السلام ..
جلست حذام قباله وهي متوتره ..
رفع بصره وناظرها بوله واضح لها وقال : شخبارك ياحذام .. ؟
حذام بهمس : الحمدالله ..
فيصل جلس يناظرها فتره بعدين لف على عمه : عـمي ..
بو فواز : سـم ..
فيصل : سم الله عدوك .. مايصير بس نتزوج الحين واخذها معي .. !
رفعت راسها حذام بخوف تناظرهم وقال بعدها فيصل بمزح : هذي كانت الطريقه الوحيده الي اخليك فيها ترفعين راسك .. " كمل وهو يضحك " بس مو معناتها اني ماأقصد الي قلته ..
وقفت حذام بشكل سريع وطلعت
وهو يناظرها بحب كان واضح لـ فواز الي استغرب
فواز بضرب كتفه : هآآ اقول بو رحم .. !
فيصل يتنهد : قوووووووول انـا اشهد ان مافي مثلها
فواز يضحك : من بدايتها تغزل ..
فيصل بنص عين : ومين كان يتغزل بخطيبته مساعه .. !
فواز فتح عيونه بخرعه : شدراك .. !
فيصل يضحك وهو يقوم : مو معقوله تأخرت هالوقت كله ومارميت كم كلمه على جمانه..
فواز يضحك : يقطعك ياشيخ ..

---------------------------------------------------------
جهاد يهمس لها : لازم يعني اربعين يوم في بيت اهلك .. !
غرام تضحك : اكييييد لازم ياأبــوي ..
جهاد بهمس ورقه : كيف ابتحمل اتــم في الشقه من غيرك .. ؟
غرام تهمس له بحب : تقدر ياأبــوي ..
جهاد يتنهد : الله يصبـرني على بعدك هالفتره ..
غرام تضحك : معليش ياأبـــوي ..
ام غرام تدخل : لا تخاف بنتي في عيوني ماراح تحتاج شي
جهاد : انــا واثق من هالشي ياعمتــي بس ماأقدر ادخل الشقه وغرامــي ماهي فيه ..
ام غرام تضحك : تحمـلوآ يامــا قبلكم تحملـوآ ..
جهاد : نصـبر وش ورآنــا ..
ام غرام تضحك : آآخ منكم يالرجال ..
جهاد يضحك وهو يقوم : وآآخ من الحريم
ام غرام تضحك : وين توووك جاي .. ؟
جهاد بفرح واضح بعيونه : بروح أطل على ولــي العهد
غرام تضحك : مدري ليه مسميه ولــي العهد ..
ام غرام تضحك : اول ولد له خليه يفرح فيه
غرام بضيق : مايصير يبعدون ولدي عني ..
ام غرام بحنيه : لازم ياأمـي انتِ ولدك مابعد يكمل شهره اصبري كلها اسبوعين ويطلعونه ..
غرام : أيش يصبرني ابعد عنه اسبوعين .. !
ام غرام : تصبرين يابنتــي تصبرين ..
غرام بضيق واضح : ابـــي اشيله واحطه بحضني .. ابي اشم ريحته واضمه ولدي هذآ ..
جهاد يبوس رآسهــا فجأه : تحمـلي ياأم فـهد هذآ لمصلحته ياقلبي ..
لآنت ملامحها وهي تقول : حبيبي هـو ..
جهاد يغمز لها ويهمس : وانــا مو حبيبك .. !
غرام تلون وجها : جهادووه ماما هنآ اسكت لا تسمعنا
جهاد ينظرة كلها حب : زوجتـي ويحق لي ..

---------------------------------------------------

" بعد يومـين "

اسيــل : ههههههههه ياشيخه والله اشتقت لك ..
كادي تضحك : اقوووول وين نايف عنك .. !
اسيل بحب : بعد قـلبي هـو راح يتروش ..
كادي تضحك : اووووه بعد قلبك لا لا في تطورات ..
اسيل تضحك : انقلعي ياحماره ..
كادي : اقوووول بس سكــري وروحـي ضبطي نفسك لرجلك ..
اسيل بمزح : لهذي الدرجه ماتبين تكلميني .. !
كادي بصدق : تدرين لو الود ودي ماأسكر منك بس فشله انتِ في شهر العسل وجالسه تسولفين مع اختك حلاتك والله ..
اسيل تضحك : ههههههههههههه طيب طيب بسكر مو عشان اتضبط على قولتك لا بس في احد عند الباب
كادي : طيب يالله حبيبتي انتبهي على نفسك وسلمي على نايف ...
اسيل : ان شـاءالله ياقلبي .. يوصل ..
كادي : فمان الله ..
اسيل : الله معك ..
سكرت وهي تحس بضيق تبي تقول لأحد الي فيها بس ماتقدر ..
لمـين تقول انـها من امـــس إذا كلمـت سطام تحس بضيقه وتبي تسكر وماتشتهي تسمع صوته .. !
تحس نفسها غبيه مع شعورها ماهي طايقته وكم مرآ جآ ببالها سيرت الطلاق .. !
اختها وبشهر العسل ماتقدر تكدرها بمشكلتها ..
وسفـانه اخت سطام ماتقدر تتكلم مهما كانت قريبه منها ..
وغرور الي صايره قريبه منها هذي الايـام تكفيها مشكلتها ماأبي اشغلها معي ..
مـالي الآ جـوووود ..
رفعت الجوال وكلمت جود ..
جود : هلآ بالقاطعه ..
كادي : هلآ فيك ..
جود : وينك ماتتصلين وتسألين .. !
كادي تضحك من ورآ قلبها : شسوي انشغلت وعشان كذآ قررت اطب عليك في بيتكم مدري مزرعتكم ..
جود بفرح : صدق .. !
كادي : صدقين بس بليييييز من غير أي ترتيبات غبيه وتكشخين ومدري ايش بجيك بالبجامه وطبعاً انتِ نفس الشي ..
جود تضحك : طييييييييييييييب على امرك متى بتنوريني .. !
كادي : بعد المغرب كويس .. !
جود : كويسين في أي وقت تعالي انا فاضيه ..
كادي بتردد : ينــفع الحين .. !
جود كانت حاسه من البدايه ان كادي فيها وتبي تقوله فَ قالت بحنيه : ايييييييه ينفع ونص بعد ليه ماينفع .. ! يالله اركبي السيـاره وتعـــالي ..
كـادي تهمس : تيب ..
جود : يالله اشوفك بعد شوي ..
كادي : اوكِ ..

---------------------------------------------------------

" بيت بو جهـاد "

غـرور كـانت جالسه تحت وهي عارفه ان يـاسر موجود بالمجلس جايب كاتلوجات عشان غرفة النوم الي هي تبيها .. وعلى قولته باقي الأثاث يختاره معها إذا سـافروآ هنـاك ..
ام جهاد : عجبك شي .. !
غرور تأشر على واحد عجبها كثير : مـامـا هذآ مرآ عجبني فخم ورايق ..
ام جهاد : حلو بس مدري فيه شيم و حلو ..
غرور : هو فخم بس بسيط انــا ماأبي شي اوفر واوو ومدري ايش .. ابي شي مريح بس رايق وفخم ..
ام جهاد : يعني تبين هذآ .. ؟
غرور : أيـــه عجبني ..
جاسم وهو يدخل : ايش الي عجبك .. !
غرور توريه الي عجبها ..
جاسم يضحك : نفس اختيـار الأخ يـاسر ..
دق قلبها بسرعه وهي تقول : يعني حتى هو عاجبه ..؟
جاسم :أيــه هو قـالي من البدايه بس ماحبيت اقولك كنت بشوف وش يعجبك ..
غرور : خلاص اجل ابــي هذآ ..
جاسم : واخيـرا بعد ماجربتي اكثر من 9 كاتلوجات ..
غرور : اكيد هذي غرفة نومـي مو كل يوم بغيرها انــا ..
جاسم : طيب يامدري أيش انتِ انـا رايح لخطيبك ..
ورآح وهو يضحك عليها يوم احمر وجهــا ..
دخل عليه : يالحبيب الاخت عجبهــا نفس الي عجبك ..
يـاسر " يـاقلبي على الذوق " : اهــا حلو ..
جاسم يضحك : كثرت على عمرك آهــا حلوو .. !
ياسر يضحك : وش تبيني اقول يعني مثلآ .. !
جاسم : مدري أي شي بس مو اهـا حلوو .. !
ياسر : اقووول جسوم لا يكثر يالله انـا طـالع ..
جاسم يقوم : وين بدري .. !
ياسر : ابد والله عندي شغل تعرف ترتيبات العرس وكذآ
جاسم : والله انك صـادق ..
يـاسر يقوم ويأشر لجاسم : مآلآ داعي تقوم اعرف طريقي ..
جاسم يضحك : زييييين وفرت علي ياولد عمي الطريق
ياسر يضحك : حمااااااااااااار .. يالله مع السلامه ..
جاسم يضحك : الله معك ..
طلع وهو يضحك وماحس الا هو يصقع في وحده ..
غرور خافت لأنها ماأنتبهت له كانت طالعه تبي تروح تطل عليه من النافذه الي برآ وكانت تفكر وتناظر الارض ..
يـاسر دق قلبه " آآآآآخ ياقلبي على هالجمال "
يـاسر يتصنع البرود : ماتشوفين .. !
غرور " ركزي على الي قالت لك عنه كادي ماعليك منه "
غرور بخجل حقيقي : آســفه حبيبي ماأنتبهت لك ..
يـاسر دق قلبه بسرعه " ارحمــي حالــي تكفين "
ناظرهــا بنظره هي عجزت انهــا تفسرهـا ..
مشــى بسرعه قبل لا يخونه قلبه ويلين ويقول لها انه يحبهــا ..

----------------------------------------------------------

" بيت جود "

كادي تدخل وترفع الغطاء : اهليييييييين ..
جود تسلم عليها : وسهليييييين تو مانور بيتـنا ..
كادي تضحك : منور فيك يـابعدهم ..
جود : تفضلــي وش عندك واقفه ..
كادي تروح للمجلس : ابد ماعندي شي هع ..
جود تجلس : ايوه وايش اخبارك .. !
كادي تغير وجهـا بسرعه وهذآ الشي أكد لجود ان فيها شي ..
جود بحنيه : قولـي لي وش فيك .. ؟
كادي بصدق وحزن : والله ماأدري ياجود ..
جود : كيف ماتدرين .. !
كادي قالت لها الموضوع ..
جود شهقت : كيف يعني .. !
كـادي بضيق : كـل مرآ افكر فيه اتضايق واحس اني ماأبـيه وإذا كلمته ابيه يسكر بسرعه وانقرف لا سمعت صوته وكل مرآ اكلمه فيه يجي في بالي كلمة الطلاق مدري ليه ..
جود بخوف : ليكون مسحوره .. !
كادي خافت : كيف يعني .. ؟
جود بخوف وصدق قالت : اعرف وحده صـار معها وافترقت هي وزوجهــا بعدين اكتشفوا انه سحر ..
كادي بخوف ودموعها تجمعت بعيونها : يعني معقوله سحر .. ؟!
جود : ماراح نتأكد إلآ إذا رحنـــا لشيخ ..
كادي : يعني .. !
جود : يعني بسرعه ألبسي عبايتك ..
كادي : وين بنروح .. ؟
جود : ابـو صديقتــي شيخ بنروح له ..
كادي : كيف وشلون ماأعرف ترآ هالاشياء ..
جود : الحين تشوفين بس انتِ قومـــي معي ..
كـادي تقوم بخوف : لازم اقول لسطام ..
جود : ايش تقولين . ؟
كادي : اقول له على الي يصير ..
جود : لازم اول نتأكد انه سحر ..
كادي : طيب يالله ..
" وطلعوآ متوجهين للشيخ "
كادي تمسك يد جود : جود خايفه ..
جود بخوف اخفته : مافي الا كل خير ان شـاءالله مو سحر
كادي بخوف حقيقي : جود بكل الحالتين شي مو كويس .. إذا كان سحر مين الي بيعمله وليه .. ! وكيف راح نفكه وإذا ماكان سحر مو معقوله اني ماأطيقه كذآ ..
جود تحضن يدين كادي بين يدينها : ان شـاءالله كل شي راح يكون كويس ..
السواق : هنــا المكان .. ؟
جود : تقدم شوي عند السوبر الي قدام ..
السواق : ان شـاءالله
كادي بخوف يكبر كل ثانيه : كيف بنقابله .. ؟
جود : عـادي يابنت شفيك .. ! ماراح نكون معه حنا من ورآ الباب مع صديقتي ..
كادي : طيب ..

-------------------------------------------------------------

" بـعد اسـبوع .. عـرس غـرور "

كادي تحط يدها على يد غرور البارده مثل الثلج : هذآ والعرس عائلي وكذآ يدك كيف لو عند العالم كلهم ..
غرور تهمس : انتِ عارفه انه مو عشان الناس .. كثر ماهو عشانه ..
كادي تهمس لها : خلك قويه مثل ماأتفقنا ..
غرور بهمس : ان شـاءالله ..
اسيل تضحك : وش تقولون انتـوآ .. ؟
كادي شهقت : يالمخ مابقى شي على زفتكم بسرعه روحـــي هناك ..
" حنـا عندنـا إذا رجعت العروس من شهر العسل وكان في عرس او عزيمه لأحد اقاربنــا نزفها "
اسيل : طيب بس كنت بطل على العروس لأنها بتنزف بعدنا بربع سـاعه وماراح اقدر اروح لها فوق ..
غرور تضحك : يالله هذآك طليتي روحي اكيد ألين تنتظرك عند الزفه ..
اسيل تلوح لهم : طيب ادعوآ لي ماأطيح ..
جلسوآ يضحكون عليها ..
توو كادي بتتكلم بس جات زوجة عمها ..
ام جهاد بحنيه : ناقصك شي يابنتي قبل لات نزفين .. ؟
غرقت عيون غرور بالدموع وهزت رآسهــا ..
ابتسمت الأم لها بكل رقه وباست راسها وراحت بسرعه قبل لا تصيح وتخلي بنتها تصيح ..

" عند اسيل وألين "

ألين تضحك : يختـــي مالا داعي يزفونــا ..
اسيل : بالعكس يالمخ بعدين مافي الا اقاربنا وبعض معارف اهلنــا مو مشكله يعني ..
ألين : بس حتى لو احس مدري مفروض مايزفونا ..
أسيل : اووووش يالله بيزفونـــي ..
ألين تضحك : حلوه بيزفوني يالله روحي موفقه ..
نزلت أسيل من عند الدرج الكبيـــر الموجود في مزرعتهم على موسيقى رايقه والناس تناظر وتسمي ..
كانت لآبسه فستـان عنـــابي طويــل مرآ حلووو وفخم وكانت توزع ابتسامات لبنات عمهـــا " الي هم البنات "
وصلت للكوشه وبعدها على طول انزفت ألين الي كانت لآبسه فستـان بطيخـــي جداً جداً خطيييييير طويل برضو ..
وبــدوآ النــاس يجون يسلمون عليهم ويتحمدون لهم بالسلامه ..
الحين جــآ وقت زفت العـــروس الي الكل ينتظر هالزفه ..
بدت الزفه .. ونزلوآ مصورتين .. وحده فيديوا والثانيه تصوير عادي .. وجمانه هي الثالثه تصوير بالكاميـرا حقتها ..
نزلت بهدوء وببطئ غرور .. العــروس او اقول الحوريــه .. !
الكل جلس يسمـــي عليها من جمالها ورقتــها ونعـومتهـا
حتى بنات عمها الي ماشافوها ماعدا اسيل وكادي ماصدقوآ .. وجلسوآ يقرون وينفخون ..
الهنوف تكلم ريماس : عز الله استخف اخوي ..
ريماس تضحك : ممممممن جد الله يعين ولد عمي
وصلت غـرور للكوشه وهي تحس انها بأي لحظه بتطيييح من طولها وتنهــار ..
جــآ الكل يسلم وهي تبتسم غصب والبنات يجون يترقصون قدامــها بـفرحه واضحه .. وهي تبي تحس بهذي الفرحه .. هي فرحانه بس فرحتها نـاقصه ..
مـــارضت يدخل يـاسر بحجه انها تغار وماتبي يدخل عند الحريم .. بس الصدق خايفه تنهــار عندهم عند أي حركه ..
ماحست بالوقت .. حسته يمشي بسرعه وخاصه يوم قالت لها كادي انها بتروح .. زفوها وهي رايحه لعريسها بغرفه خصصوها من غرف المزرعه للتصـوير ..
دخلت هي وامهـــا .. وجلست ودقايق ودخل ابوها وجهاد وجاسم وعمهــا .. سلمت على ابوها وهي تحاول تتمالك نفسها .. بس ماقدرت وجلست تصيح في حضنه وخلته يصيح معها .. ويغطي وجهه بالغتره من العبره ..
وسلم عليها عمها ونفس الشي جلست تصيح ..
واخـوانهـا ..
وكان اخر واحد يـاسر ............!
الي حبس انفاسه يوم شافها وجلس يمسي بداخله ويقرآ عليها ..
اخذوآ كم صوره مع بعض ومع ابوها واخوانها وياسر ..
ويوم طلع عمها اخذت صور مع امها وياهم كلهم ..
بعدين زفوهــا لين السيـاره وهي تحس ان قلبها بيطير وبتنهار في أي دقيقه .. وكانت تفكر بكادي وايش قالت لها ..
حست ان كل شي مر بسرعه .. لأنها لاحظت انهم وقفوا عند فندق مع ان مزرعتهم بعيده ..
ماتدري ليييش الوقت يعاندها ويمشي بسرعه بالنسبه لها .. عكس ياسر الي يحس ان الوقت يمشي ببطئ شديد ..
نزلت من السيـاره الي أصر ياسر انه هو الي يسوقهــا ومارضى احد يوصله ..
نزلوآ الفندق الي حاجزين فيه ودخــلوآ ..
وماهــي عارفه وش بتسوي ..
دخلوآ وهم للحين ساكتين محد تكلم ولا قال شي ..
4 كلمات بس سمعتها منه : روحي غيري عشان نتعشى
ماناقشته مع انها ابد مو جوعانه بس ماتقدر تسوي شي ..
راحت ولبست الثوب الاحمر الي حلفت امهـا انها تلبسه .. كان طويل بس كان خيوط ومفتوح لين نص الفخ ..
غرور قالت بداخله بسخريه " هه وكأنه بيهتم او صدق كأن اليوم زواجي "
لبست الروب فوقه وطلعت وشافته هو الثاني غير ملابسه .. وناظرها بنفس النظرات الي ماتفهمها ..
ياسر " ارحمــيني قسم بالله ماأقدر استحمل "
راحوا وتعشوآ بهدوء وصمت وهي ماأكلت الا كم لقمه ..
قامت غسلت وشافت يـاسر جالس بالصاله وقال لها : تعالي ابي اكلمك ..
تقدمت بخوف وهدوء وجلست قباله ..
ياسـر " دوووس على مشاعرك عشان تكسر خشمها مو هذآ الي كنت تبيه ! " قال ببرود : اسمــعي انتي عارفه ان زواجنــــا ماهو حقيقي فَ لا تنتظرين مني أي مبادره اهم شي عندي اهلي مايعرفون شي وكأن زوجين صدق ..
غرور بهدوء بسبت الطعنه الي تلقتها منه : ماأهمك .. !
يـاسر " الا تهميني والله تهميني " : لآ ..
غرور بنفس الهدوء الي يسبق العاصفه : ليه غصبتني اتزوجك .. !
يـاسر مستغرب من هدوئها : عشـان اكسر خشمك واعلمك ان كل واحد وله مقامه وانتِ تجاوزتي حدودك معي .. ولا انتِ ماهميتيني ولا راح تهميني وجودك والعدم واحد .. بس عند اهلي بحاول اتحمل وامثل بس انتِ ولا شي بحياتي ..
غرور ماعلقت لأنها حست لو بتتكلم بتصيح وبتقول كل الي بقلبها .. بس قال شي ياسر خلاها تنفجر ..
يـاسر ببرود وكذب : بس لا تظنين انك بتكونين الوحيده بحياتي يعني شي طبيعي لو اتزوج عليك وحده ثانيه اعيش معها حياتي واحبها وتحبني ..
هنــا غرور حــست بروحهـا تطلع ماتوقعت هـالشي منه ..
هو نـفسه انصـدم من نفسه وانصدم اكثر من الكلام الي قاله وانصدم من نظراتها وخوفها ووجها الي اختفى فيه اللون ..
وقفت وقالت وهي منهاره بشكل مو طبيعي
غـرور: يـاسر انــا عارفه انــو من اول موقف بينا كان غلط وكل شي كان غلط بس .. بس انــا ماكنت عارفه امسك اعصابي وخاصه كنت اشوف طريقتك بالتصرف مـعي .. انـــت زوجــي وبعيش معك طول عمــري .. انـا مـاأقول لك حبنـــي هذآ الشي ماهو بيدك او بيدي .. انـا بس ابي يكون احترام بيني وبينك .. احترمك وتحترمنـــي .. اصــونك واصـون بيتك بوجودك وبغيابك .. ونفس الشي تعمل مــعي بس مو معناتها تتزوج علي .. ! ليييييييييه حرام عليك مايكفي قلبت حياتي فوق تحت انــا بس ابـي انـا ابـي .. انــا بس ابـي صفحه جديده .. انت الحين زوجــــي وعـارفه الكلام متأخــر مــرآ ويمكن ماتبي تسمعه لأنـك تكرهنــي بــس والله " ونزلت دموعها الحبيسه " والله ماأبي اعيش معك كذآآ .. ابي حيـاه حلوه ابـي " شهقت ودموعها تزيد " ابـــيك لـــي انــا بـــس ابـيك تكون لــــي وماتروح لـغيري .. ابيك لا تضـايقت تجينــي انـــا احتـويك بكل مـافيني .. ابـيك لا فرحت تشاركنـــي فرحتك .. ابـيك ابـيك انــت
" غطت وجها بيدينها وبدت تبكي بصوت عالي "
ابـيك لــي انـــا بـــس ماأبيك لغيـري .. اكرهــني وعذبنــي كيفــك بـــس لا تتزوج لا تحرق قلبي اكثر ممــا هو محترق " شهقت وصرخت " حرام عـليك تعذبني كذآ ترآ انــا لي قلب واحس لا تقتل مشاعري واحاسيسي تكفى " شهقت ودموعها كل مالها وتزيد " خلاااااااااص تعبت حرام عليك ارحمنــي ارحمنـــــــي .. مو بيدي والله مو بيدي انــا ابييييييييييييك لـي انــا وبــس لا تروح لغـيري حرام عليك " شهقت وهي تبكي " حرام عـليك والله حرام علـيك ..


انتهــى البـارت ..
ان شـاءالله عجبكم البـارت ..

  رد مع اقتباس
قديم 2014-10-01, 12:29 AM   #33
دلـ،ـع حَسبتّك . ♡
الصورة الرمزية ملوكاا
 
ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا غير متواجد حالياً

 



البــــ الثـامن والعشـرين ــــارت


جـود بنظرات حزينه : كـادي تكفين لا تسوين كذآ بنفسك ..
كادي تمسك دموعها : جود احبه كيف كذآ ماأطيقه ماأتخيل حياتي من غير سطام وانا لي اكثر من اسبوع اتهرب منه ياجود وهو بدآ يحس ويسألني إذا احد مضايقني .. خايف ان احد مضايقني مايدري اني صايره اكره نفسي مليون مرآ في الدقيقه ..
جود تمسح على شعرها : موو بيدك ياكادي مو بيدك ..
كادي : ابي افهم مين له مصلحه يسحرني لييييه طيب ليييه .. !
جود : علـمي علمك ..
كادي بهمس ضعيف : جود قالي الشيخ ان السحر ان في احد ماخذ أثـر منــي يعني احد يعرفني وجالس معي مين يكون .. ؟
جود : والله مدري ..
كادي : ماأدري كيف بقول لسطام ماما تقولي لازم اقوله وبابا يقول إذا ماقدرت اقوله هو بيقوله بس انا ماأقدر اقوله ولا ابي ابوي يقول له ..
جود تضمها وتهمس في اذنها : اسمـعي انتي كلميه وعزميه اليوم على بيتكم ..
كادي تهز راسها : ماأقدر اتحمل اسمع صوته كيف إذا شفته .. ! ماأبي اجرحه ياجود والله ماأبي ..
جود بحزم : لآزم ياكادي من حقه انه يعرف ترآ إذا ماكلمتيه انا بكلمه ..
كادي تهز راسها : جود تكفين ..
جود بضعف : لا انتِ الي تكفين ياكادي تكفيييييين عشان نفسك وعشانه ..
مدت لها الجوال وقالت بأصرار : كلميه الحين وعزميه خليه يجيك بعد ساعه ..
كادي : مو مستعده والله ماأقدر ..
جود تتصل على رقم سطام : بتكلمينه ولا انا اكلمه .. !
كادي هزت رآسهـا : انـا بكلمه ..
مسكت الجوال وحطته بأذنها وتحس قلبها مو متحمل هالألم كله مرآ وحده ..
سطام بفرح رد : هلآ والله بالقاطعه ..
كادي حست الألم يزيد حاولت بجهدها تقول : هلآ
سطام حاس فيها من زمان : شفيك ياأمــي .. ؟
كادي هنا حست نفسها بتنفجر قالت وصوتها واضح انها تصيح قالت : سطام في موضوع ضروري لازم اتكلمه معك ..
سطام خاف : شفيك ياكادي قولي لي .. ؟
كادي بهمس : بقولك كل شي .. تعال بعد شوي بيتنا وانا بفهمك كل شي ..
سطام بخوف واضح بصوته : ان شـاءالله اصلي العصر واجيك ..
كادي بهمس : انتظرك ... فمان الله
سطام : في حفظه ..
رمت الجوال وجلست تصيييييييح بحضن جود الي تهديها ..

---------------------------------------------------------------

" عـند الهنوف وريمـاس "

الهنوف بصدمه : بتوافقين على هذآ الي تقدم لك ..؟
ريماس : ايوه ..
الهنوف بصدمه اكبر : ونـاصر .. !!!
ريمـاس قالت بيأس : وش ناصر اخدع نفسي بناصر .. ! لو يبيني تقدم لي ..
الهنوف : بس يمـ
ريماس تقاطعها : لا بس ولاهم يحزنون ..
الهنوف جات ببالها فكره متهوره شوي قامت وقالت بكذب : طيب دقيقه بروح اجيب لي شي اكله جوعانه تبين اجيب لك معي .. ؟
ريماس : لا شبعانه ..
الهنوف : طيب بس شوي وراجعه ..
ريماس : من متى تستأذنين .. ! الظاهر مساعد مخليك مؤدبه ..
الهنوف تضحك بخجل وتقول : يالبى مساعد ياشيخه ..
ريماس ترمي عليها المخده : روحي راعـي شعوري يالحماره عندك واحد تجلسين تلبلبين فيه وانا ماعندي واحد ..
الهنوف تغمز لها : قريب ان شـاءالله ..
ريماس تضحك : لو بهون عليه بيكون بسبتك ..
الهنوف تضحك وهي تطلع : يكون احسن ..
نزلت تحت بسرعه للمجلس الداخلي البعيد شوي عن البيت واتصلت على نوره ..
نوره : هلآ والله ..
الهنوف : هلآ والله بزوجة اخوي ..
نوره بخجل : مابعد اصير زوجة اخوك ..
الهنوف تضحك : قريب ان شـاءالله زوجة اخوي ..
نوره سكتت وماعلقت ..
الهنوف تضحك : اموت على الخجلانيين ..
نوره تضحك : هنوف وش سالفتك متسببه تبيني اعلق على مساعد يعني .. !
الهنوف : حلالك علقـي ياحبي له ..
نوره تضحك : والله ما اتجرأ اقول كذآ ..
الهنوف تضحك من قلب وتقول : عادي قولي ياحبي لسعووود مو مشكله معطتك الحريه ..
نوره بخجل واضح قالت : الهنوف ترآآآآب بوجهك ..
الهنوف : ههههههههههه نسينا انك خجوله المهم بقولك شي ..
نوره : وشو .. ؟
الهنوف : اول شي وعديني هالكلام مايطلع مهما يكون ..
نوره : افـا عليك تكلمــي ..
الهنوف بجديه : اخوك الأهبل هذآ يحب وحده او حاطها بباله .. ؟
نوره انصدمت من السؤال وسكتت ..
الهنوف : وش بلاك القطو بلع لسانك ولا سعود طلع قدامك .. !
نوره تضحك : امــــا سعووووووووووووود وش دخله بالسالفه .. !!
الهنوف تضحك : مدري عنك المهم ماجاوبتيني .. ؟
نوره : ليه تبين تعرفين .. ؟!
الهنوف : نوره ابي بس اعرف ايه او لاء .. يحب وحده او يبي وحده .. ؟
نوره بتردد قالت : ايييييه ..
الهنوف عورها قلبها وقالت : من اقاربكم .. ؟
نوره حست انها لازم تقول للهنوف انها ريماس : لا بقولك مين هي بس وعديني ماتقولين لأحد مهما يكون حتى ريماس ..
الهنوف بطنها بدآ يألمها لانها اصلن ماتحب هالمغامرات بس لعيون ريماس : وعد ..
نوره رمت القنبله : يحب ريمــــاس بنت عمك ..
الهنوف صرخت : أحلفـــــــــــي .. !
نوره تنهدت : والله ..
الهنوف تضحك : وربي حماس ..
نوره تضحك : ليه سألتي .. !
الهنوف : هاه اول توعديني ماتقولين لأحد وخاصه نويصر ..
نوره تضحك : وعد ..
الهنوف رمت قنبلتها هي الثانيه : الأخت ريمــاس تحب نويصر اخوك ..
نوره صرخت بنفس الوقت الي دخل فيها ناصر : ريمـاس تحب نــــ " وسكتت "
ناصر اخترع من الأسم والصرخه ... " ريماس تحب .. ! ! "
بسرعه راحت فوق من غير لا تعطي بال لناصر المصدوم ..
الهنوف تضحك : اييييييه شفتي كيف .. ؟
نوره بوناسه : قسسسسسسم بالله مو بس حماس الا اقوى حماس ..
الهنوف : حماس اقوى شي بعد ..
نوره : مو مصدقه قسم بالله ..
الهنوف : انا الي مو مصدقه وربي فرحتيني ياجعل الفرحه ماتفارقك ..
نوره تضحك : اميييييييين ..
الهنوف : بس في مشكله وحده ..
نوره : وشو . ؟
الهنوف : رميس فقدت الامل في اخوك وتقدم لها واحد وشكلها بتوافق ..
نوره شهقت : لا تخلينها توافق تكفين ..
الهنوف : وش الحل اجل .. !
نوره : انـــا بخلي ناصر يتقدم لها ..
الهنوف : بس كيف من غير لا يعرف انها تحبه .. !
نوره : ماعليك انا اخليه يخطبها من غير لا يعرف انها تحبه ..
الهنوف : اعتمد عليك .. !
نوره : اعتمدي آفـــا عليك بس ..
الهنوف : طيب انا بحاول اماطل في رموووس ماتوافق ..
نوره : ولا يهمك اليوم نخطبها ..
الهنوف بفرحه : من جدك انتِ .. ؟
نوره : ايه من جدي هو يحبها وهي تحبه وين المشكله لو خطبنا اليوم .. !
الهنوف : يالبـــــــــــــــــى انتِ ياشيخه والله لأمدح فيك قدام سعود لين بكرآ ..
نوره تضحك : مو لازم تمدحين اهم شي ان صورتي عدله قدامه .. " ماأقصد بالصوره هي صورة لها .. اقصد بصورتها المنظور العام لها "
الهنوف تضحك : إذا على كذآ فَ صورتك عدله عنده لا تخافين ..
نوره : هذآ اهم شي المهم خلاص اخليك الحين واروح لنوصير ..
الهنوف : اوكِ تم ياحبي لك حرم سعود ..
نوره تضحك : حبي لك زود حرم مساعد ..
الهنوف : يااااااي حبيتها حرم مساعد ..
نوره تضحك : هههههه الله يخلف عليك بس سكري
الهنوف : هههه يالله مع السلامه ..
نوره : الله معك ..

الهنوف بحماس صرخت : يسسسسسسسس
وراحت فوق بسرعه لريمــاس ..
دخلت بشكل خلآ ريماس تخترع : بسم الله ..
الهنوف ماقدرت تحبس فرحها وراحت ضمت ريماس بقوه ..
ريماس : وش فيك استخفيتي .. !
الهنوف ناظرتها : اقوووول وش سالفت خطبتك ذي الي مو عاجبتني .. !
ريماس تضحك : فجأه تحول الموضوع لخطبتي .. !
الهنوف : ايييه ..
ريماس : على طاري خطبتي فكرت فيها من شوي وقلت خلاص بوافق اول ماأرجع البيت بقول لماما ..
الهنوف شهقت من قلب : ياوييييييييييلك توافقين قسم بالله اذبحك وماأكلمك طول عمري ..
ريماس شهقت بصدمه : لييييييييييييييه .. ؟
الهنوف : بس مو عاجبني مو مرتاحه له كذآ لا جبتي طاريه احس قلبي ينقبض ..
ريماس تضحك : وش علي منك اهم شي انــا مرتاحه ..
الهنوف ناظرتها برجاء : تكفين لا تردين لأهلك اليوم ردي لهم بكرآ الله يخليك ..
ريماس : ليه طيب .. ؟
الهنوف : بس كذآ عشان اصلي استخاره لك ..
ريماس تضحك : هنوف بلا استهبال ..
الهنوف بنظرة جد : تكفين ريماس طلبتك ..
ريماس بأستغراب : اوكِ ولا يهمك ..
الهنوف : وعديني ..
ريماس استغربت اكثر : اوعدك ..
الهنوف : احلفي طيب ..
ريماس : تستهبليييييين هنوف شفيك قولي الي عندك ..؟
الهنوف : مافيني شي احلفي ماتردين لهم خبر الا بكرا ..
ريماس : قسم بالله ماراح ارد لهم خبر الا بكرآ .. ارتحتي الحين ياآنسه هنوف ..؟
الهنوف : ايه الحين ارتحت ..

---------------------------------------------------------------

" في بيت بو ناصر "

ناصر اول ماشاف نوره تنزل قال : وش سالفة ريماس . ؟
نوره بكذب وبضحك قالت : لا تخاف ماتحب رجال يالمخ ..
ناصر بعدم تصديق : اجل وش تحب .. !
نوره بكذبه قالت : ريماس تحب النرجس .
ناصر ماأستوعب : كيف .. ؟
نوره تضحك : انــا كنت اظن ان ريماس عندها حساسية من الورود بعدين قالت لي الهنوف يوم تكلمنا عن الورود ان ريماس تموت وتحب شي اسمه وردة النرجس ..
ناصر صدق وماصدق : اجل ليه يوم شفتيني رحتي فوق .؟
نوره وكانت مجهزه الكذبه : لأن الهنوف قالت لي اطل عليها من عند نافذتي ..
ناصر صدق الكذبه : كويس وربي خفت على بالي بعد تحب واحد من عيال عمها او شي ..
نوره تضحك : لا ماتحب احد لا تخاف المهم ابيك بموضوع ..
ناصر : وش الموضوع .. ؟
نوره تجلس : ابيك تسمعني كويس ..
ناصر : اسمعك ..
نوره : انت تحب ريماس صح .. ؟
ناصر : شي مو جديد ..
نوره تضحك : يالحمار خذني على قد عقلي ورد ..
ناصر يضحك : طيب .. ايييييه احب ريماس ..
نوره : وماتبيها تروح لغيرك صح .. ؟
ناصر يجاريها : اييييييييه ..
نوره : خلاص نخطبها ..
ناصر سكت شوي وقال : اكيد بخطبها يعني احبها بس كذآ .. !
نوره تضحك : يالمخ اقصد اليوم ..
ناصر فتح عيونه : امــا عاد اليوم .. !
نوره : ايه اليوم وين المشكله .. ؟
ناصر : بس يانوره انا مو مستعد ..
نوره استغربت : من أي ناحيه تستعد .. ! تخرجت هالسنه وهذآ انت تشتغل وراتبك عالي ..
ناصر : مدري احس مو مستعد نفسياً يعني تخيلي البنت رفضتني والله بتحطم ..
نوره : ماراح ترفضك صدقني ..
ناصر : ليه واثقه .. ؟
نوره : لأنها مابتلاقي مثلك ترآ سمعت ان في واحد خاطبها وهذآ الي خاطبها مافي شي ناقصه ..
خاف ناصر : من جدك ..؟
نوره : والله هذآ كلام الهنوف يالغبي خلنآ نخطبها اليوم ..
ناصر : طيب ترآ انا ماأعرف لهذي الاشياء ..
نوره تضحك : بلاك ياأخوي مفهي انا بكلم امها اليوم وبقول لها وإذا موافقه مبدأياً يكون دوركم انتوآ يالرجال تحددون موعد مع ابوها وتروح انت وبابا وتخطبونها رسمي
ناصر : يختي ماأعرف هالاشياء ..
نوره : قوم نكلم بابا بعدها اكلم ام ريماس ..
ناصر يقوم وراها : يالله
نوره تضحك : حسيتك مثل الخروف تمشي وياي
ناصر يضربها على راسها ويضحك : مالت عليك يالحماره

-------------------------------------------------------------

" بيت بو طلال "

جود : يالله كادي الرجال تحت وش تنتظرين .. !
كادي : جود تعالي معي الله يخليك ..
جود : وين اجي معك من جدك .. !
كادي : خلك عند المجلس إذا بغيتك او شي ..
جود بأستسلام : طيب يالله ..
كادي تنزل وهي تحس قلبها بيوقف في أي لحظه ..
دخلت وهي تسلم ..
اول ماشفته حست انها تكرهه بشكل مو طبيعي ..
لدرجة انها وقفت ماقدرت تكمل ..
حست دموعها بتنزل ..
حتى انها ماتزينت له كالعاده ..
نزلت له ببنطلون وبلوزه عاديين جداً ورافعه شعرها بأهمال ..
تقدمت ببطئ وسلمت عليه بهدوء غير عادي لدرجة ان سطام كان بيموت ويعرف وش الموضوع ..
جلست قباله ومو جنبه كالعاده ..
وسألها عن اخبارها وكانت ترد ببرود مو قاصدته ..
سطام : شفيك ياكادي .. !
كادي " طلقني طلقني .. كادي بلآ هبال وش طلاقه انتِ مو وقتك " : آآ مـ ـدري وش اق ق قول ..
سطام : قولي ياأمــي ..
نزلت دموعها وغطت وجها بيدها وقالت : ماأقدر استحمل ..
قرب منها بخوف بس هي بعدت بخوف اكبر وقالت : لا تقرب مني ..
خاف من لهجتها وانصدم بقوه ..
رجع كم خطوه وقال : كادي شفيك تكلمي ترآك خوفتيني ..
بهذي اللحظه دخلت جود وهي تغطيه عشان تنقذ الموقف ..
قربت من عند كادي وضمتها وقالت بهدوء : انا راح افهمك الموضوع ..
جلس يناظرهم بأستغراب وقال بهدوء : اسيل .. !
جود هزت رآسها : لا انــا خطيبة اخوها ..
سطام عرفها : جود .. !
جود : ايوه ..
جلس سطام بعيد وهو يراقب كادي الساكنه بكل هدوء بحضن جود : ايش الموضوع ياجود ..
جود بهدوء مايعكس الفوضى الي داخلها : ابيك تستهدي بالله وتتقبل الي بقوله ..
سطام بصدق قال : جود ترآ وربي قلبي طايح من الخوف وش الموضوع ..؟
جود اخذت نفس وقالت : كادي مسحوره ..
وقف سطام بخرعه : كييييييييف ..؟
جود : في احد سحر كادي قبل اسبوع ونص سحرها انـ ـ ـها ي ي يعني .. ان هذآ السحر يفرق بينكم وكادي من تكلمك او تقابلك تح ح حس انها ماتبيك ..
سطام عرف الحين اجوبه لكل اسئلته الي في باله ..
حس انه رجوله ماتشيله فَ جلس بالكنب بكل ضعف : كيف يعني ..؟
كادي تبكي وتقول : آسسسسفه سطام والله اسفه
جاته رغبه يروح يضمها ويدخلها بين ضلوعه يحميها
سطام : لا تتأسفين انتِ مالك دخل بالي صار ..
كادي تقول بشهقه : والله ماأقدر امنع هالشعور ياسطام ..
سطام : طيب رحتوآ لشيخ ..؟
جود : ايه رحنا يقول الشيخ ان في احد ماخذ أثر من كادي ..
سطام : وماعرفتوآ مين ..؟
كادي : لا واكيد وحده معنا بمكان عشان تقدر تاخذ شي مني ..
سطام : ماتشكون بأحد .. !
كادي تهز رآسهـا : لآ ..
سطام فجأه جا بباله شي : كادي عندكم شغاله مو مسلمه . !
كادي استغربت وقالت : اييييه ..
سطام : ماشكيتي فيها .. !
كادي : ليه اشك في الخدامه .. ؟
سطام : يعني مين بظنك مين يسوي سحر غيرهم .. ! حنــا مستحيل اهلنا يسوون كذآ وانتِ عارفه هالشي ..
جود قالت : صح ليه مافكرنآ بهالشي .. !
سطام : كادي ..
كادي وهي ماتناظره : ايوه ..
سطام : ناظريني ..
كادي " ماأقدر والله ماأقدر " لفت وناظرته بسرعه ونزلت عيونها مو قادره تحس انها تكرهه
سطام : خلك واثقه اني ماراح اتركك مهما صار وهالسحر راح ينفك ان شـاءالله ..
كادي بهمس ودموعها تزيد : ان شـاءالله ..
سطام : اسمعي انتوآ فتشوآ غرفة هذي الخدامه كل شبر فيها .. طلعي أقل شي غريب طلعوه .. كل العلب فكوها ..
وقف وقال يكمل : ارسلوآ هالخدامه وأي خدامه ثانيه لبيت الشيخه على اساس انها تبي احد يساعدها .. وانتوآ ابتدوآ فتشوآ كل ركن ..
ناظرها بحب وقال : انتبهي لنفسك ياكادي ..
وطلع ..
انهارت كادي : انــا احبه مدري ليه احس بهالشعور ..
جود تضمها : قومي خلينا نسوي الي قاله ..
راحت جود للشغالات عشان مايشوفون كادي ويشكون ..
وقالت للغير المسلمه والثانيه يروحون الحين الحين مع السواق لبيت الجده عشان يساعدون الشغالات بالتنظيف ..
استغربوآ مع كذآ راحوا مع السواق ..
راحت جود وأم طلال وكادي لغرفة الشغالات وقلبوها فوق تحت يمكن لمدة ساعتين يدورون بكل شي مالقوآ أي شي يدل على سحر ..
جود : ياربي مو معقوله إذا مو الشغاله مين اجل .. !
ام طلال بحزن : الله لا يوفق الي سحرت بنتي ..
ألتفتوآ كلهم يوم سمعوآ صوت عند الباب وشافوآ الشغاله الثالثه واقفه وقالت بخوف : مدام انا عندي شي ابي قول ..
استغربوآ ..
ام طلال : شنو . ؟
الشغاله بخوف قالت : هذي كريما في سوي سحر سوا سوا مدام كادي وبابا ستام ..
شقهوآ كلهم وقالت ام طلال : شلون .. ؟
الشغاله بخوف قالت وهي تصيح : والله ماما انا مافي شغل انا قول حق كريما مافي سوي كذا هذا مو زين بس هي قول حق انا إذا انا قول شي حق انتو سوي سحر سوا سوا انا ..
اخذوا الشغاله وكلموها وفهموآ كل شي
جود : وين حطته طيب ..؟
الشغاله اخذتهم برآ عنده الورود الي زارعينها ..
واشرت على ورده وقالت : تحت هذي ورده ..
ام طلال : لا تلمسون شي بخلي الشيخ يجي الحين ..
اتصلوا على نفس الشيخ الي من حسن حظهم كان قريب كثير من بيتهم وجاهم ..
وكان وقتها بو طلال موجود وشالوا السحر ..
وراح الشيخ مع بو طلال داخل عشان يفكون السحر ..

------------------------------------------------------------

" بيت ريماس "

كانت جالسه في المطبخ تسوي لها شاهي ودخلت عليها امها ..
ام رياض بفرح : ريماس ..
ريماس : هلآ ماما ..
ام رياض : تعالي ياأمي ابيك شوي ..
ريماس استغربت : ان شـاءالله ..
راحت مع امهـا للصاله وشافت ابوها ..
جلست وقالت : امروآ ..
بو رياض : مايامر عليك عدو .. يابنتي انتي عارفه ان في واحد خاطبك ومارديتي علينا والمفروض مانقول لك ان في واحد ثاني خاطبك لين تردين على الي قبله .. بس لأن هذآ معزته كبيره لعمك بو نايف جيت وبقولك ..
ريماس استغربت بس قالت بخجل : مين هذآ بابا .. ؟
ام رياض بفرحه : نـــاصر ..
ريماس ماجا ببالها ناصر نفسه : مين ناصر ..؟
ام رياض : ناصر ماغيره صديق سعود ولد عمك اخو نوره خطيبة سعود ..
ريماس شقهت مو مصدقه : من جدك ماما .. ؟
ام رياض : ايه هذي المواضيع مافيها مزح ..
سكتت بخجل مو مصدقه وهي تسمع ابوها يعطيها بعض المعلومات عنه وهي تعرف اصلن كل شي ..
ماصدقت خلصوآ اهلها راحت فوق بسرعه وكلمت الهنوف ..
اول ماأتصلت ردت الهنوف : هههههههههههههه مبروك ياحلوه ..
ريماس صرخت : كنتِ تعرفين ياحماره .. !
الهنوف تضحك : ايوه طبعاً اعرف لأن نوره قالت لي اليوم ..
ريماس : وليه ماقلتي لي .. ؟
الهنوف : لأن نوره قالت لي ماأقولك ..
ريماس بفرحه : ماأصدق ناصر تقدم لي احس من الفرحه بصييييييح ..
الهنوف : اصبري لا تصيحين من غيري بجيك وصيحي على كيفك معي ..
ريماس تضحك : يالله انتظرك ..
الهنو ف: جايه ..
سكرت وهي تحس انها مو مصدقه للحين وتحس انها تحلم وبتصحى من الحلم ..
لدرجة انها قرصت نفسها عشان تتأكد ..

---------------------------------------------------------------

" بيت بو كادي "

كادي تسأل ابوها : يعني انفك السحر .. ؟
بو كادي بفرحه ضم بنته : الحمدالله انفك يابنتي وسطام اخذ الشغاله وسلمها للشرطه وهو جاي الحين هنا ..
حست انها مو مصدقه ابد ..
راحت لجود وقالت : جود خايفه لا جا يكون شعوري نفسه ..
جود تضحك : اشوفك تعودتي تكرهينه .. !
كادي : جود والله جد خايفه ..
جود بحب قالت : لا تخافين خلي املك بالله قوي ..
ام طلال : يابنتي سطام في المجلس روحي له ..
راحت كادي بخوف وهي تناظر جود تبي تاخذ منها تشجيع ..
دخلت شافته واقف .. حسسسست بكل حبها له يرجع .. كل احساسها انها ماتحب راح ..
هو كان خايف وواقف ينتظر ردة فعلها ..
تقدمت ببطئ وهي تحس حبها كل ماله يكبر ..
ماحست بنفسها الا تضمه بقوه وهي تصيح ..
ضمها اكثر وهو يقول : الحمدالله والله اني خفت اني افقدك ..
كادي وهي تصيح : ابـوي انت ..
بعدت وهي تحس نفسها بتموت خجل من نفسها لأنها ماحست بعمرها وضمته ..
شافته يناظرها بكل حب وهو يقول : الله لا يحرمني من وجودك ياكادي ..
كادي تنزل راسها بخجل : امــييييييييييييين ..
سمعت صوت سطام يغني ..

كـل ماأشق الورق واكتب قصيده ..
حبرها دمــي وقلبي لك ورق ..

اشعر بتقصير ودي بالجديده ..
كل حرف في بحر حبك غرق ..

كل حرف في بحر حبك غرق .. كل حرف في بحر حبك غرق ..
وهمس : والله غرق ..

انتهـــى البـارت ..
ان شـاءالله ..
تحياتي لكم ..


  رد مع اقتباس
قديم 2014-10-01, 12:29 AM   #34
دلـ،ـع حَسبتّك . ♡
الصورة الرمزية ملوكاا
 
ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا غير متواجد حالياً

 

البــــ التـاسع والعشـرين ــــارت
البـــــارت الأخيـــــــــــــــــــــر ..


فــــي إيـطاليـا ..

غــرور كـانت تـعاني .. لكـــن بـصمــت ..
بـعد مـارفضـها يـاسر ..
تـذكرت أيـش صـار بـعد ماأنفجرت وقـتها ..

" نـاظرها بعطف وحنـــــان بعد ماجلست على الارض تبكي من قلب نزل لمستوآهـــا وضمـــها .. مـاصدقت انه حضنها فـرحت كثير .. بس ماتت الفرحه الي جات بثواني بعد مابعد عنها وقال بجفـاء .. شــفتي كيف الأحتياج .. !تحتاجين شي ويـوم تلاقينه يختفـــي .. ! هذآ الي بتشوفينه مـني يـاغـرور وصـدقيني مابتوقف حيــاتي بتزوج واجيب عيـال .. امـــا انتِ بخليك معلقه وجودك والعـدم واحــــــد عشـان تعـرفين مـو يـاسر الي ينلعب عليه هذي الألعـاب القذره .. ورمـآهــا بعيد ودخل الغرفه الثـانيه مخـليها تعيش أكبـر صدمـه في حيـاتها "

نزلت دمعه وهي تردد بهمس : الله يسـامحك , الله يسـامحك ..
قـامت توضت وراحت تصـلي وتـدعي ربـها ..
اول مـاسلمت شافته جالس قـدامهـا ..
حاط رجل على رجل يناظرها ..
استغفرت ربها بهمس وقـامت وشالت جلال الصلآة ..
يـاسر " صـايره مثل الملاك بجلال الصلاة "
غـرور " شتبي تناظر ..! اكـرهك لا نـاظرتني كذآ .. ودي بس اعرف وش سـر هالنظرات "
يـاسر ببرود من ورآ قلبه : شفيك تناظريني .. !
غرور ببرود مماثل : انـا الي انـاظر ولآ انــت .. ؟
يـاسر يوقف ويتقدم منـها : يـاسلام .. !
غرور هزت اكتافها ولفت بتمشي بس مسكها وقال : إذا انــا تكلمت انتِ توقفين تسمعيني فاهمه .. !
غـرور بتحدي : لآ مو فـاهمه .. ! انـا مو خدامه عندك
يـاسر رفع حاجبه : لا تنرفزيـني احـسن لك يـاغرور ..
غرور بسخريه : ولآ أيش بتسـوي .. !
يـاسر هز اكتافه وقال بسخرية بارده : رآح اكسر الاتفاق الي بيني وبينك ..
هنــآ مشت رعده في جسم غرور كله ..
الأتفاق الي هي افرضته عليه انه مايلمسها مهما يكون دامه بيكمل حياته لا يدمر حياتها هي ..
غرور " لا تبينين له انك خايفه بعدين بيجلس يهدد كل شوي بهذي النقطه , اصلن مايقدر يجبرني "
غرور ببرود وهي اصلن خايفه : ماتقدر ..
يـاسر تفاجأ من ردها الي ماتوقعه وقال مو مصدق : ماأقــدر .. ! !
غرور : ايه ماتقدر ..
يـاسر تكتف : وليه ان شـاءالله ماأقدر .. !
غرور : لأنك ماتقدر تغصبـني ..
يـاسر رفع حاجبه مستنكر : لا تتحدين .. ترآك لسـاتك ماجربتيني ..
غرور خافت لأنها حست انه من جده يتكلم .. فَ سكتت ..
ياسر يستهزئ : اشوفك سكتـــي .. !
لفت بتمشي بس مسكها ولفها بقوه وسندها على الجدار ..
خافت جد الحيييييين " الله يخليك لآ ماأبي دامك ماتحبني وماتبيني لا تسوي فيني كذآ لا تخليني اكرهك "
حاولت تبعده بس ماقدرت لأنه مثبتها
يـاسر بسخرية قال : هآآه اقدر ولا ماأقدر .. !
غرور تبعده : ابعـد ..
ياسر يثبتها اكثر : تصدقين شكلي بكسر الاتفاق دامك زوجتـــــــــي حلآلــي اسوي الي ابـيه ..
غرور صرخة من غير وعــي : انــــت مــو رجــــــال ..
هالكلمه خلته يوقف وناظرها والشرار يتطاير من عيونه
وقال بهمس مخيف : عيدي الي قلتيه .. !
غرور قامت تنزل دموعها وتقول بصراخ : مو رجــال ايييه انت مو رجـال .. مو من الرجوله انك تغصب بنت على شي ماتبيه ..
بعد عنها بهدوء وهذآ الشي استغربت منه ..
ناظرها بنظرة مخيفه وطلع بسرعه ..
حست رجولها ماتتحمل انها توقف اكثر مِن كذآ ..
فَ جلست بسرعه في الارض وهي مو مصدقه الي صار تووو ..

---------------------------------------------------------------

" فـــي السـعوديه "

كـادي : الحين انتِ شفيك متضايقه .. !
سـفانه : بـكرا ملكــتي وغـرور ماراح تحضر ..
كادي : ياحيــاتي بعد ماتقدر تجي ..
سفانه : حتى جاسم متضايق يبي غرور تكون موجوده ..
كادي : ان شـاءالله بتكون موجوده بالعرس ..
سفانه مسكت بطنها : اسكتي ترآ للحين مو راضيه ان العرس بعد شهر من ملكتنا وش يحسون فيه .. !
كادي تضحك : اقـول احمـدي ربك على الأقل انتِ تعرفين جاسم كويس ومكلمته قبل الملكه .. قولي المساكين الباقين الي توووهم انخطبوآ وبيملكون ويتزوجون وياك بنفس الوقت ..
سفانه تضحك : بس حذام الي تو انخطبت امـا جود من زمان منخطبه والهـنوف عـاد هذي حكاية ثـانيه من زمان مخطوبه ..
كادي : بس وربي مسكينه حذام مارضت واعترضت لولآ حلفان الشيخ ..
سفانه تضحك : اسكتي ياأن حذام صاحت صياح مع انها ماتصيح على أي شي
كادي تضحك : اسكتي والله انها كاسره خاطري اجل توها مالها غير اسبوع منخطبه وبكرا ملكتها وبعدها بشهر عرسها .. ! لو انـا والله مارضيت وربـــي ..
سفانه : بس حالك من حالنا حتى انتِ بتتزوجين معنـا ..
كـادي : بـس انــا متملكه وانتهـيت امـا انتوآ توو بكرا بتتملكون ..
سفانه تتربع : بس والله غريبه ليه الشيخ يبينا نتزوج كلنا بهذي السرعه .. ! ولآ حالف الي مايوافق منـآ مايكلمه طول عمره .. اول مرآ يسويها الشيخ ..
كادي تهز اكتافها : والله ماأدري حتى انـا استغربت بس عادي انا بديت اجهز اصلن قبل لا اعرف متى العرس ..
سفانه : ايييييه أيش وراك مجهزه مو احنــا .. !
كادي تضحك : قولـي لا إله إلآ الله .. !!
سفانه تضحك : مــاشاءالله اعوذ بالله منك تخافين من العين ..
كادي : اكييد لازم اخاف من العين يمكن ماتكونين متقصدتها بس الشيطان شاطر ..
سفانه : أي والله انك صـادقه ..
كادي : المهـم يالله انخمدي الحين الساعه 9 وبكرا بتصحين 8 الصبح يادوب
سفانه تضحك : طيب يالله قومــي ننـام ..
كادي : يختي شتبين بتنامين بغرفتي نامي بغرفة اسيل .. !
سفانه تضحك : مـالي دخل بنام في غرفتك ..
كادي من ورآ قلبها : ياربي صدق انك نشبه .. لصقه وقطت وجه ..
سفانه تضحك : يالحمااااااااااااره انــا كذآ .. !
كادي بكذب : اييييييييييه كذآ ونص بعد ..
سفانه : بسامحك لأن بكرا ملكتي وماأبي اخرب برستيجي ..
كادي : روحي بس ياأم برستيج انتِ ..
---------------------------------------------------------------

" بيت الجد "

كل الرجال متجمعين عند الجد من غير اولادهم على طلب الجد ..
الشيخ : اسمـعوآ كلكم اعترضتوآ على ان العرس يكون بنفس اليوم لهم كلهم بس انــا عندي اسبابي ..
بـو فواز : والله ياأبـــوي حنـا نخاف من العين مو زين نزوجهم كلهم في نفس الوقت ..
بو طلآل : صـادق .. مو زين اصلن حنا من غير شي العيون علينا على أقل شي لو نزوجهم كذآ مع بعض بنفس الوقت بتجينا عين قوية ولا سمح الله يصير فيهم شي ..
بو فهد " الجد " : طيب اسمعـوني زين وماأبي الكلام الي ينقال هنا يطلع لأي احد فاهمين .. !
الكل : ان شـاءالله
بو فهد : انــــا رحت قبل يومين للمستشفى عشان اسوي الفحص الروتيني الي كل سنه اسويه .. واكتشفت ان فـينـي السرطان بمرحلة متقدمه يعني مو حميد
عم السكوت المجلس من الصدمه محد قدر يتكلم ..
والكل استولى الحزن على ملامحهم والبعض منهم نزلت دمعته على الأبو الطيب والجد الحنون الي مايقصر لآ مع زوجته وعياله ولا على احفاده ..
بو فهد : ادري الخبر صعب عليكم بس انا شفت بدنيتي كثير ومـاني خايف من الموت .. كـلنا بنمـوت مصـيرنا نموت مهمـا طال الزمــن او قصـر .. وقآلوآ لي الدكاتره ان مالي كثير اعيشه طبعاً إلآ بإذن الله .. عشان كذآ ابي ازوجهم ابي افرح فيهم كلهم قبل لا اموت
بو جهاد : بعد عمر طويل ياأبـوي ..
وبدوآ يتكلمون ويتسائلون عن صحته وليه ماتكلم من قبل وقال انه يحس بألم مع انهم يعرفون ان ابوهم لو راح يموت من الألم ماراح يتكلم ويقول لأحد ..

---------------------------------------------------------------

" فـي إيطاليـا "

بـعد مـرور 4 سـاعات من أخـر موقف ..
كـانت غرور تدور بالغرفه بتوتر ..
خايفه من يـاسر وخايفه عليه بنفس الوقت ..
صدق مايحبها وبارد معها بس ماقد طلع وخلاها بالحالها بهذي الشقه ..
سمعت صوت الباب وراحت ببطئ وخوف عنده ..
شافت اكثر شي صدمهـــا .. حست انها ماعاد قادره تتنفس ..
كــان يـاسر بــس .. اييييه هذآ يـاسر بس في شي ثاني ..
يـاسر ماكـان لوحده ..
كـانت معه بـــنت اجنبيه شقراء ..
ماصدقت عيونها ..
يـاسر بسخريه : شفيك واقفه كذآ . .!
غرور تأشر على البنت وقالت بخوف : مـ ـيـ ـن هـ ـ ـذي .. !
يـاسر هز اكتافه بعدم اكتراث : انتِ ماتبين تعطيني الي تبين في غيرك مستعد يعطيني إيـاها ..
شحب وجهــآ وصار لون وجها مثل الأمـوات ..
لدرجة انه خاف عليها بس مابين وقال : عندك اعتراض .. !
غرور بهمس ودمعه نزلت : بالحـرآم يـا يـاسر .. ! مالقيت تسوي الي تبيه إلآ بالحـــرام .. !
مسك ياسر البنت وقال له : Let's go to my room " لنذهب لغرفتي "
مر من عندها وماعطآهــا أي اعتبار ..
وسكر الغرفه ..
حطت يدها على فمها تمنع شهقه تطلع ودموعها تنزل من غير لا توقف ..
راحت بسرعه غرفتها واخذت شطنتها وحطت جوازها وجوالها وفلوسها بسرعه وطلعت من الشقه ..
طلعت من غير تفكير ومن غير لا تحس انها اصلن طلعت ببنطلون وبلوزه ومن غير حجاب ..
من شدة الصدمه ..
راحت تركض من غير تفكير لـوين بتروح .. ! ! ! !
بعد فترة دامت نص ساعه تقريباً وقفت ..
لفت شافت نفسها في حديقه دخلت ترتاح دقايق ..
اخذت لها مويه وجلست شوي بعدها قامت تمشي من غير هدآ .. من غير لاتدري وين بتروح ..
تمت تمشي اكثر من سـاعه من غير احساس لا بالوقت او التعب ..
وصلت لها ريحة البحر ..
شافته قريب منها ..
توجهت له وجلست على التراب ..
كانت الساعه عندهم 7 الليل ..
تناظر البحر .. تحس افكارها مشوشه مو عارفه تمسك فكرة وحده لأن اساسا أي فكرة تجيها تطير بسرعه
ماتعرف وش ممكن تسوي لوحدها بهالمكان . !

" عند يـاسر "

كان جالس للحين بالغرفة والبنت الثانيه تقول بضجر : What Now ..! " والحين ايش ؟ "
ياسر : What you mean ? " ايش تقصدين ؟ "
البنت : We are sit here 3 hours and we did not do any thing I just listened to music " لنا 3 ساعات جالسين من غير لا نسوي شي انا بس اسمع مسيقى "
يـاسر " امممم خلاص اخليها الحين تروح اكيد اقتنعت غرور انوو جد نمت مع هالبنت .. تستاهل درس لها عشان ماتقول هالكلام مرآ ثانيه "
اخذها يـاسر لبرآ وهو يكلمها بصوت عالي ان راح يتقابلون مرآ ثـانيه .. عشان تسمع غرور ..
ودعها عند الباب وسكره وهو مستغرب من فكرته ان هالبنت تمثل انها عملت معه علاقه عشان يقهر غرور ..
راح لغرفتها وضرب الباب وهو يقول : هيه انتِ اطلعي ..
كان يبي يشوف ردة فعلها وبنفس الوقت كان خايفه عليها
دخل يوم ماسمع صوت وانصدم يوم ماشافها موجوده وشنطتها مو فييه .. !
راح دور على شنطتها وجوالها بس مالقى شي خاف ..
بسرعه طلع جواله واتصل عليها بس كان مغلق .. !!
خاف كثير وطلع بسرعه وراح للبواب يسأله وانصدم يوم قال له انها طلعت من زمان وهي تركض .. !!!!!!!!!!!
كان بيستخف من الخوف بسرعه طلع يدور عليها ..

---------------------------------------------------------------

" الـيوم الـي بعده "

المــــلــــكـــه ..

سـفانه + جـاسـم ..
حُـــذآم + فـيصـــل ..
جـــــود + طــــلآل ..
الهـنوف + مسـاعد .. <~ >< احب هذآ الانسـان

كـلهم رآح يتـملكون بنـفس اليوم والوقت ..
كـــل واحد رآح يكون للثـاني بعد طول انتظـار دام للكل ..

انـطلقت اول تبريكه لـ حـذام وفيـصل ..
تـلوهـا سـفانه وجـاسم ..
وأخيـــراً المـوعد المنـتظر كـان .. [ جـود وطـلآل ]
تتـوج حبهم الـيوم عـلى الورق ..

" عـند فـيــصل و حـــ <3 ـــذام "

جـلست بـهدوء وخجل بفسـتانهـا التركوازي الفخم والنـاعم بنفس الوقت ..
جلس جنـبها فيصل وجلـس يتأملهــا بصـمت ..
دام الصـمت تقـريباً لمدة عشر دقايق ..
وتحس حذام مـع كل دقيقه قـلبها يـوقف شوي ويـرجع يدق بشكل سريع وقـــوي ..
همـس فيصل : وتَحقق الـحلم , وهذآ انتِ قـبالي ..
نزلت رآسهـــا بخجل شديد ..
مسك يدهــا وطبع عليها قُبله هاديه وحنونه وكلها حب وقال بصدق : أحــس من فـرحتـي مو مصدق انك جد الحين زوجتـــي .. " شد على يدها وكمل " انتِ حقيقة او خيـال .. !
همست بخجل تحس انه بيقطعها : حقيقه ..
فـيصل : متأكده انـك مو ملآك نازل في الأرض .. !
اكتفت انها سـبلت عـيونها بنعـومه ..
مـن غـير إحسـاس بدآ يـغني لهـآ ..

إيش معـنى انتَ .. !
أيـش معـنى انتَ .. !
مـاخذنـي من هالعـالم ,, وكل النـاس .. !
قـلبي تعـــلق ,, فـيك انتَ ..
صـدقني والله عـالم ,, أحبــــك بـإحسـاس .. <3

فيصل : تصـدقين انـــك الوحـيده الي اخذتـي قلبي ..
شب وجه حذام وسكتت ..
احضتن يدها بين يدينه : انتِ الوحيده الي دخلتـي هالقلب , أحــــبك .. <3
حـذام بهمـس : ME TO <3


" عـند جـاسم و سـفـــ <3 ـــانـه "

جـاسم يحس انه متـوتــر وبنفس الوقت بيطير من الفـرحه ..
جـاسم برقه : مابتقولين شي .. !
سفانه بهمس : وش اقول .. !
جاسم يهز اكتافه : أي شي ..
سفانه نزلت عيونها وقالت : ماعندي شي اقـوله ..
جـاسم مسك يدها : طــيــب انــا عندي شي اقـوله ..
سفانه ناظره : قـول ..
جاسم اخذ يدها وحطها في قلبه وقال : أحـبـك .. <3
في هاللحظه حست سـفانه ان الدم كله متجمع في خدودها من شدة الاحراج ..
نزلت عيونها بسرعه بخجل واضح ..
جاسم يهمس : وانتِ ماتحبيني .. !
سفانه بهمس : انت تعـرف جوابـي ..
جاسم : صح اعرفه بس ماسمعته ..
سفانه لفت رآسهـا : بعدين تسمعه ..
جسم يشد على يدها : انــا أبــي اسمـعه الحين ..
سفانه بخجل : جاسم .. !
جاسم بهمس وحب : عـيونه .. ! عشـان خـاطري قـوليها ..
سفانه همست بخجل شديد جداً : حـتى انـ ـ ـ ـا أحَـ ـ ـبببك ..
وخبت وجها بين يدينها ..
هنـا جاسم بدآ يغنــي لها اغنية جات ببـاله ..

جبــار حـبك ولـكنك عـلي غـالي ..
قـلبي على حبك الجبـار وصيته ..
ياأول غلآ فـي خفـوقي وأخـر أمــآلي ..
مـِن قلبك الـحب والأخلـآص حسـيته ..

مـرت شهـور بغيابك وانتَ في بـالي ..
اشتاق شوفك , وبعدك ماتمنيته ..
غـيبتك ياروح روحـي عذبت حـالي ..
عـانيت جرح الغلآ والشوق قـاسيته ..

" عــند طــلآل و جـــ <3 ـــود "


طلال مـاسك يد جود بـحب واضح للـعيـان ..
وبعد ثـواني معدوده نطق : اخـيراً يـاجود بعد فترة طويله كثيييييييييييير لقيتك وصرتي حلالـي لـي انــا بس .. !
جود بهمس : شفت كيف .. ! ربـي مايخيب ظن عبده به ..
طلال : صـادقه , ونـعم بالله ..
جود : تذكـــر اغنيـتنا .. !
طلال همس : مستحيييييييل انسـاهــا ..
جود : لسـاتك حافظهـا .. ؟
طلال : كــل حرف فيها ..
جود بخجل قالت : سـمعنــــي .. ابـي ترجع أيـام اول
طلال بدآ يغني بكل حب وهو يناظرها ..

صـغيره كـنت وانتَ صغيرون ..
حـب عرفـناه بنظرات العيون ..
قـالوآ ترآ ذولا يحبون ..
ومـن الصـغـر لـمآ يكـبرون ..
مـثل نجمـة والـقمر ..
كبـر حبـنا وازدهـــر ..
بعـيونك حبيبي نبتدي دروب السهـر ..

همس لهـا بحب : احــبك .. <3
جود بخجل : وانــا كمـان احـبك .. <3

---------------------------------------------------------------

" مســـاعد و الهـنـــ <3 ــــوف "

مسـاعد : الهنوف ..
الهنوف بنظرة كلها حب : عـيونها .. :$
مسـاعد : صـرتي زوجتــي .. !
هزت رآسهــا بخجل وحب ..
مسـاعد مسك يدها : زوجتــــي لـي انــــا بس ..
الهنوف وبمزح : حـَتـى انت بس لـي لا تفكر تحـب غـيري لأنـي مابخليك ..
مسـاعد بحب وصدق قال : الـيوم الي بحب فيها بنـت غيرك رآح تكون بنــتك .. بنــتنا احنـا الأثـنين .
صـار وجه الهنوف احمر : ولا ابــي احد يشاركني فيك ..
مسـاعد بهمس : انـا الي ماأبي احد يشاركني فيك ولا حتى يفكر فييييييك مجرد تفكير ..
الهنوف همست : لهـذي الدرجة تحبني .. !
هز رآسه نفـي : اكثـر من كذآ بكثـير انتِ حــبك تخطى الكلام والحروف وتخطى التعبـير ..
ناظرته بخجل ونزلت رموشها تخفي دمعه كانت بتطيح ..
مد يده ومسح هذي الدمعه قبل لا تنزل وهذآ الشي فاجأها انه انتبه ..
مسـاعد همس : والله أحــبـــك .. <3
الهنوف بهمممس بالكاد سمعه : والله أحــبــك <3

وبدآ يـغني الأغنية الي هي تحبها ..

عـمرك سـمعت بطيــــر ويحـــب سجـانه .. !
مــن شـافك انتَ نـسى وش تعـني جنـحانه ..
انــا تـرآني طيـرك اللـي يحـبك مـــوت ..
لــو حب قـلبي غـيرك بـدعي عليه يـموت ..
فـي قربك انتَ نسـى انه يـاعمري طيـر .. !
ماتـشد عـينه السمــآء ولآ يـريد يطيـــر ..
هذآ الغلآ والحـب من الله سـبحانه ..
عـمرك سمـعت بطيـر ويحـب سجـانه .. !!


" عــنـد سطـام و كـــ <3 ـــادي "

جالسين في المرجيحه الي برآ في بيت الشيخ ..
سطام يضحك : كلهم تزوجوا اليوم مشـاءالله عليهم ..
كــادي تضحك : زييين قلت مشاءالله عشان مايجيهم عين
سطام : والله الفرحه بوجه كل واحد منهم حسيت انهم جد يحبون البنات ..
كادي : اكيييييييد كل واحد وله قصته مع خطيبته ..
سطام ناظرها بحب : بـس احنـا قصــتنا احلى ..
كادي تضحك بخجل : وأيش قصتــنا .. !
سطام بهمس : قصــتنا غـــير ..

ناظرها ثـواني وقال : غـني مـعي ..

وبدآ يغني من غير لا ينتظرها ترد ..

تعـالي يـاأحلى احسـاس , حسـييييييييته ..
عشـقت عطر الانفــاس , وحــبييييييييييته ..

كـادي ..

انــا قربك وخـذني بحضنك , حـس فيني ..
مشـتاقه انــا اسمع قلبـك , ينـاديني ..

سطـام ..

انــا دنيـــاي هـــي دنيـــاك ..
مـاأعيييش انـا دنيـاه وعينك ياروحي مو فيـها ..

كـادي ..

ترآآآ هالنــاس كلــهـــا , والله ماتغنيني ..
عـن يـوم اعيـشه معــــــــــــــــاك ..

معـاك انــا عشت الحـب , ومــنك تعـلمته ..
خـذيت انــا مــنك قـلب , وبـروحي شـلته ..

سطـام ..

يـاعمري انـا كلـي فداك , وكـل سنـيني ..
اشـوفك كـل النـاس في عـيني ..

كـادي ..

انـــا ويــــــــــاك , قـلبي معـــاك ..
وبـــالـــي دايماً حـولك , انسـى روحي ماأنسـاك ..

سطام ..

يالله نعيـــش أحلى سنـيييين ..
انــا وانتِ بالدنيا قلب واحــد مو قـلبين ..

سطام بحب كبير همس : احـــبك يـاكادي .. <3
كادي بهمس خجول جداً قالت : وانـــا أحـــبك <3

---------------------------------------------------------------

" فـي إيـطالـيا "

غـرور " كلهم اليوم تملكوآ .. ! اربعتهم وانــا بعيده عنهم كلهم " نزلت دموعها " كله بسببك يايـاسر كل هذآ بسببك ماكلفت على عمرك حتى تدور علي . ! لهذي الدرجة تكرهني . ؟ هه والله وطلعتي ولا شي ياغرور إذا كل الخطاب الي جاووني يتمنون اوافق وهو يغصبني ويهمشني وكأنـــي ولآ شــــــــــــــــــــــي .. </3
عـمري ماتخيلت يصير لـي كذآ ولا حتى بأسوء كـوابيسـي .. بس الظاهر ان يـاسر صـنع هذآ الكابوس بكل اتقان منه بس عشان شي سخيف .. !! آآآآآه يـاقلبي تكفى لا تعورني ..
لا تصـير انت والدنيـا ضدي .. على كل الي سوآآآه لسـاتني احبببببه احببببببببببه لحد الجنون .. !
هه جد انـي مجنونه "
ناظرت حولها الفندق الي لقته وهي تمشي واخذت لها غرفه وجلست فيها ..
شافت جوالها الي طفته اول ماطلعت من شقتهم وشغلته بوقف ثاني وحطته صامت عشان إذا فكر يتصل ..
شقتهم .. ! حست الكلمه قويه ..
فتحته وانصـدمت يـوم شـافت 173 مكالمه من يـاسر و 61 رساله منه ..
فتحت رسـايله وانصدمت اكثر من محتوياتها ..
" غرور الله يخليك ردي لا تخوفيني عليك "
" غرور تكفيييييييين بس طمنيني إذا انتِ بخير او لاء "
" اعصـابي تلفت والله آسسسسسف بس ردي "
" غرور والله ماصار شي بيني وبين ذيك البنت بس كنت ابي اعاقبك على كلامك "
" غرووووووور بس ردي علي مو لازم ترجعين لي بس ردي علي ابي اتطمن عليك "
وغيرها من الرسـايل الكثيره ..
اتصلت عليه وهي تحس قلبها بيوقف ..
رد عليها على طول بلهفه وكأنه حاط الجوال بحضنه
يـاسر بخوف : غرور انتِ بخير .. !
غرور بهدوء : ايييييه ..
يـاسر من غير مقدمات : وييييييييييييييينك ..!
غرور : بِ فندق ..
يـاسر : وش اسمه ..!
غرور : ليه ..؟
يـاسر بعصبيه : غرور بسرعه وينك ..!
غرور مافيها تتناقش تعبت : في *******
سكر منها على طول ..
ناظرت بالجوال بإستسخاف وانبطحت
غرور " اكييييييييد بيسكر والحين بيجي يصرخ ويهاوش , بس مابرد عليه والله تعبت خلاص يسوي الي يبه لو ينام مع 20 بنت بالحرام او بالحلال خلاص تعبت انهد حيلي "
ماحست بعمرها من شدة السرحان الا على صوت الباب يندق
راحت وشافت بالعين السحريه انه ياسر
فتحت الباب بهدوء وبرود ..
ناظرها دقايق قليلة بعدها ضمـها بقــوه لدرجة حس ان عظامها بتتكسر بين يدينه ..
هي انصدمت من الضمممممه الي جات فجأه من غير لا تتوقعها ولا بأحلامها ..
بس الي صدمها دموعه , يصيييح يـاسر يصيييييييح .. !!
يـاسر بصوت مخنوق وهو يزيد ضمته : لا عــاد تسوينها فيني وتروحييييييين بهذي الطريقه ..
غرور بهمس مصدومه : يـاسر .. !
يـاسر وهو يزيد قوة الضمه : والله مالمستها ولا لمست بنت من قبل , بس لأنك جرحتيني يوم قلتِ اني مو رجال ولا كنت ابي انتققققققققم , انا كل شي اسويه من ورآ قلبي , انــا اتعذب كل يوم قبل لا اعذبك , اتعذب لأني اعذبك , انـــا كنت اتمناك وبتم اتمناك للأبد
غرور ودموعها تنزل قالت : يعـني انت .. ! " وسكتت ماقدرت تكمل "
يـاسر بصدق : ايييييييه انــا أحبببببببببببك يـاغرور حبيتك من اول يوم شفتك فيه يوم اصدم فييييييك , تميت اتخيلك في كل لحظه وعرفت انـي لو تقدمت لك كذآ ماراح تقبليييييييييييييييين عشان كذآ استخدمت معك هذآ الأسلوب وكنت ابي اعذبك شوي مثل ماعذبتيني وقتها ..
غرور من غير احساس بدت تصيح وتبادله الضمه مو مصدقه : يعني انت تحبني صدق مو بس انـا الي احبك انت ماتكذب علي .. !
يـاسر يرص عليها : انـا مو بس احببببك انـا اعشقك , انتِ مثل الهواء الي اتنفسه ماأقدر اعيش بدونه ..
غرور بصياح قالت : تكـفى بعثـر لـــــي كيـاني وارجـع انـثره .. <3


  رد مع اقتباس
قديم 2014-10-01, 12:30 AM   #35
دلـ،ـع حَسبتّك . ♡
الصورة الرمزية ملوكاا
 
ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا has a reputation beyond repute ملوكاا غير متواجد حالياً

 


ابـطالي ..
كـل شخص كـان لـه أثر لـي وللبعض ربمـا .. !
لكـن كـانوآ جميعهم ابـــطال , كل واحد منهم يمثل نفسه ويمثل حـبه الأبــدي والازلــي ..

سـوف ابتدي بشرح كل بطـل لوحـده ..
ومـاذا حدث لهم بـعد 3 سـنوات ..

جهـاد / الزوج الحنـون , المحــب لزوجته جداً ولا يهتم بمـاضيها بـل بالحاضـر والمستـقبل .. الأب الذي يحب ابنه فهد كثيـراً وينتظر مولوده الجديد الذي اتضح انها فتاة وسوف يسميها [ غيـداء ] ..

غـرام / او كمــا يـسميها جهاد [ غـرامي ] التــي رأت حب زوجها الكبير , بـعد الـصدمه التـــي أتتـها من قـبل , تعيش حياة سعيده مع طفلها وزوجها وبأنتظار المولود الجديد ..

جـاسم / عـن طريق المزح مع ابن عمه " سطام " أمام جده أنقلب الوضع وأصر عليه الجد ان يتزوج مِن [ سـفانه ] فَ كان اجمل شي حصل له في حيـاته , وهو سعيد جداً مع زوجته وأبــنته التي تبلغ من العمر سنة والتي سمـاها [ روان ] وهآ هو الآن يعيش بسعادة تامه ..

سـفانه / بعد الأعجاب الذي كانت تكنه لـ جاسم , تقدم لها ووافقت بفـرح , وعاشت اجمل اللحظات معه وخاصه بعد طفلتهم الأوله التي تشبهها كثيراً في جمالها وتقاسيم وجهها الطفوليه ..

يــاسر / بعد مصادمته مع [ غـرور ] بدأ يفكر فيها وهي تأبى ان تخرج من خياله وبعدها قرر ان يتزوجها لكن بشروطه وقراراته الخاصه التي كانت خاطئه , اكتشف انه يحبها لحد الجنون فَ اخيراً رمى كبريائه خلفه وأعلن عن حبه الكبييييييييير وهآ هي حامل في الشهر الرابع , بعد ماأشترطت انها لا تريد ان تحمل حتى تستقر حياتهم ..

غـرور / تألـمت كثـيراً بسبب حبها ليـاسر وتصرفاته الغير مدروسة جيداً حاولت دفن حبها لكنها للأسف لم تستطع , تصرف ياسر بأحمق تصرف في الحياه وجعلها تنفجر وبعدها اعترف لها بحبه الكبيييييير لها فَ هي الآن معه سعيده جداً اكثر منذِ قبل ..

ريــاض / بعد قرار امـه المفاجأ بأن تخطب له [ إلين ] من غير ان يعلم وهو يريد غيرها , انقلب الوضع فوق رأسه وكرهها في البداية , لكن سرعـان ماغرق في حبها حتى فوق رأسه , وهاهو الآن يلآعب ابنه الذي يبلغ سنتين ونصف , وهو لا يريد حياة بعيداً عن زوجته الحبيبه ..

أليـن / كَ أي فتاة سوف تتزوج في طبيعة الحال , فتقدم لها ابن خالها الذي لا يعيبه شي فَ قبلت , لكن الواقع صدمها انه لا يريدها , وبعد تسامح منها اعطتها فرصة اخرى , وقد أصابت في هذآ الأختيار لأنه احبها كثيراً وهي احبته ايضاً , وهاهم يعيشون بسعاده مع ابنهم ..

فـيصل / كان يدرس بالخارج وهو متلهف كي يرجع إلى وطنه الحبيب بلاد العز والأسلام دار بو متعب <3 فَ بإول يوم له يذهب مع اصحابه للتسوق وقادته الصدفه لأن يتبادل الهاتف مع ابنة عمه فَ بعد ان تم تبادل الهواتف مرآ اخرى عرف من هي وبدأ في حبها حتى اصبحت له بشحمها ولحمها , وهو يعيش معها بكل راحة وحب يملئ المكان واستبعدوآ قرار الأطفال حالياً ربما بعد سنه .. !

حـذام / أحبت أبن عمها كثيراً لكن بعد ماأن تصادفوا في ذلك المجمع وهي خارجه للسفر مع بنات عمها وعمتها فَ احبته واحبها وهاهي تعيش معه تحت سقف واحد بسعاده بالغه ..

نـاصر / أحــب تلك الفتاة التي رأهـا مع ابنة عمها , واحب اخلاصها مع انه احتقرهم في بادئ الأمر بسبب سوء فهم .. ! تعلق بها في البداية لكن سرعان ماتحول إلى حب مع انه لم يراها إلا قليلاً وبالحجاب ايضاً .. ! تزوج منها وانجب صبـي جميل يشبهه كثـيراً وقد حظي بكل الحب من قبل امــه ..

ريمـاس / احبت ذلك الذي ساعدهم على الخروج من المأزق , كادت توافق على الزواج من غيره لولا تدخل صديقة عمرها وابنة عمها [ الهنوف ] واخته [ نوره ] وهي الآن تعيش سعيده مع زوجها وابنها ..

سطام / سمع بالصدفه حب كــادي له , فَ تأثر ان هناك من يحبه بهذآ القدر .. ! فَ تقدم لخطبتها وهو يعلم بحبها له وأغـرم بها جداً , أغرم اكثر مما هي تتصور او هو وحتى ذلك السحر الذي اصابهم لم يستطيع التفريق بينهم وبين هذآ الحب الخيـالي , وقد رزقه الله بـ طفله جميله جداً اخذت جمال امها الربـاني ولكن اكتسبت انف أباها الجميل ..

كـادي / حــبها الكبيـر والوحـيد , التي عاشت مع حبه من غير ان يعلم تزوجته واحبته اكثر واكثر وكل يوم يمر بهما تحبه اكثر منذِ قبل , رزقهم الله بأبنه جميله وهاهي تدعي ربها ان لا يفرق بينهم ..

سـفيان / كان قد حجز منذو زمن طويل ابنة عمته [ شموخ ] وقد احبها لكنه كان يواجه مشكلة انه لا يعرف كيف يظهر مشاعره إليها , لكنها كانت اذكى وعرفت كيف تجعله يعترف بذلك , وهي حامل في الشهر الأخير تنتظر طفلها الذي لا تعلم ماهو جنسه ..

شموخ / أحبـــت [ سـفيان ] كثـيراً ابن خالها الذي حجزها في وقت مبكر وبنت معه احلامها وهاهي الان تزوجته واجبرته على الاعتراف بحبه الكبير داخل قلبه لها وتنتظر ان يختتم هذا الحب بطفل او طفله منه ..

نـايف / أحــــب [ اســيل ] منذو الصـغر , وعـندمــا فكر بالزواج منها قرر ان يُكون نفسه اولاً لكنه بهذه الطريقة اضاعها من يديه واخذها شخص لعـين وحقـير , لكنهم اكتشفوآ مقدار خبثه بأفترقت عنه وهو بادر فَ تقدم لها

اسيل / لم تتصور ان يحبها شخص كمـا أحبهــا [ نـايف ] فَ بعد الصدمه التي تلقتها من [ سـامي ] لم تتوقع ان يأتيها شخص مثل زوجها , وهي سعيده كثيراً ولديها فتاتان جميلتان من حبها الكبير [ نايف ]

سـعود / كان يقود سيارته ليذهب لعمل مآ ,, فَ سـمع بعض الصراخ من البيت الذي بجانبهم فَ تقدم ورأى ابشع المواقف في الحياة , فَ سـاعد الفتاة بسرعه وابعد عنها ذلك السواق البغيض الحقير , فَ أغرم بهذه الفتاة واصبحت [ نـوره ] زوجتــه الغـاليه ..

نـوره / ابشع المواقف حدثت لها , فَ كرهت نفسها وأشمئزت من كل السواويق , والرجال مبدأياً فقط , لكنها سرعان ماأغرمت بمنقذها [ سـعود ] وتزوجته وهي أكثر من سعيده معه وانجبت فتاة تشبه امها كثيراً التي قد لاقت كل الحب والدلع والولع من جدها الذي فقد زوجته الغاليه ..

مسـاعد / رجل خربت حياته بعض النسـاء وهو في الصغر , فَ كره جميع نساء العالم , وبدأ يلهو لكنه تلق صفعة حب من [ الهنوف ] فَ عشقها من كل قلبه , وكان مستعد ليضحي بحبه لها , لأجل سعادتها فَ أي حب هذآ .. !

الهنوف / بعد ذلك الموقف البشع الذي حصل من زميلتها ألتقت بِ [ مسـاعد ] الذي قلب حياتها كلها . وكرهت حياتها بسببه لكنها تفاجأت من نفسها عندما اكتشفت انها تحبه , فَ تزوجته بعد ان افترقت عنه وهاهي لديها اجمل صــــبي قد ترآه الأعيـن , صـــبي يشبه أبــاه شبه خـرآفــــي ..

خـالد / لم يتـم ذكره كثيراً في الـروآية , لكنه كان الأخ [ النكوتـي ] الذي يحب الضحك والمرح وكل شي لديه لعب ومرح ولا يفكر بالزواج ..

فواز / اكتشف حب ابنة عمته له , فَ تقدم لها ولكن القدر انعكس عن طريقه معه فَ اصبحت هناك تلك المشكله التي هي عدم التوافق .. ! فَ قلبت حياة جمانه إلى يأس وحزن مؤقت , قبل ان يكتشف هو واخته [ حذام ] لعبة تلك الخبيثه فَ يرجع مرآ اخرى ويتقدم لها ويتزوجها ..

جمانه / احببببببببته من قلبها , كيف لا تحبه وهي دائماً في صغرها كانت مع [ حذام ] وترآه كثيراً وترآ كيف يتعامل مع اخوته , احبته وتزوجته وأنجبت منه صـبيين رآئعين مثل أباهم ..

طلال / اكــبر قصة حب حصـلت , احب بنت جيرانه الصغيره الجميله البريئه , لكن القدر يفرقهم ويبعدها عنه كثيراً كثيراً لكنه لم ينسى حبها ابداً ولعب الحظ لعبته معه وألتقى بها وتزوجها وتوج حبه الكبييييير جداً الذي دام اعوام كثيره ..

جود / فتاة ليس لها حيله فَ قد اخذها اباها من امها وهي صغيره وابعدها عن [ طلال ] وعاشت مأساة كبيره , لكن كانت له في الأخير , وقد رزقهم الله بِ فتاة وصـبي جميلين ..

سـلطان / الأخ الذي ظهر فجأة لِ [ جود ] تقبلته بكل رحابة صدر وخطب [ فجر ] وهاهم الآن في فترة [ الملكه ] ولقد احبها كثيراً ..

فجر / خطبت فجأة وهي بعمر [ 18 ] واحبت خطيبها كثيراً واتفقوا على الزواج بعد ان تصبح في عمر [ 21 ] وهاهي تعيش معه قصة حب جديده في المهد ..

هؤلاء هم ابطـــالي الذين عشت معهم كل لحظه وشعرت بهم ,, لم اكن قادره على إذائهم كثيراً بسبب قلبي المرهف ..

اتمنـــى ان تـكون هذه الروايه أعجبتـكم ..
شكراً للذين تابعونـــي ولم ينقطعـوآ ..
الذين شاركونـــي وشـاركوآ الأبطال المواقف الطريفه والحزينه والحب والكره والضحك والدموع والراحه والتعب ..
شكراً لكـم جميعاً ..

روآيـة / تـكفى بعثــر لـي كيـاني وارجـع احضـنه ..

تــــــــــــمـــــــــت ..

  رد مع اقتباس
قديم 2014-10-11, 01:53 AM   #36
دلـ،ـع حَسبتّك . ♡
الصورة الرمزية سعــــــــــودية
 
سعــــــــــودية will become famous soon enough سعــــــــــودية غير متواجد حالياً

 

مآشآء الله عليك آبدعتي في طرحك
ربي يسسعدك ويعطيك آلعآفيه

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
تعبر , تكفى , رومانسية , رواية , إحضنه , إرجع , كياني


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:35 AM.


Powered by vBulletin® Version
Copyright ©2000 - 2018, vBulletin Solutions, Inc. seo by : www.resaala.net
Search Engine Friendly URLs by vBSEO 3.6.1
دعم Sitemap Arabic By