العودة   منتدى حسبتك لي > شعر - قصائد - خواطر - نثر - قصص - شيلات جديده - بيت القصيد > قصص - حكايات - روايات > روايات كامله ، روايات طويله ، روايات رومانسيه ، روايات حزينه ، روايات جديده

روايات كامله ، روايات طويله ، روايات رومانسيه ، روايات حزينه ، روايات جديده تحميل روايات بصيغة الوورد ، تحميل روايات بالتكست ، تحميل روايات بالجوال

إضافة رد
قديم 2014-10-17, 08:28 AM   #7
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

شرب بيالتين شاي , وهو يفكر بعمق بحياته مع منال ..

قال أمكن الغلط مني .. !
عصبي ولا رآضي يتقبل تصرفاتها الأخيرة ..
على أنه مابه جديد ..
تعوذ بالله من الشيطان ..
لربما أنه دخل بينهم ..
ظل يستغفر لما حس با أرتياح وتفاؤل أن أمكن تنحل حياته .. !!


على قروب الساعة 10:15..
أستأذن الشباب , صعد سيارته ..
وسرعان ما وصل , وأدخلها للكراج ..
دخل على المطبـخ الدآخلــي ..

شاف نانسي تقطع الحلا , وتقدمه بصحون , من زمــان ما شافهم يتقدمون , وولا مرة تقدموا له أصلا , يذكر أن شرآهم مع منال بس .. !

والمجلــى معبـئ بالصحـون ..

فوار: ماشاء الله , وش له كل ذه ..؟

نانسي ألتفت له وبخوف : يا الله أنتا في هنا بابا !! أنا ما في شوف أنتا يدخل ..

فواز: دوبني دخلت , راحو الضيوف ولا ..!!

نانسي: لا بابا , أحين في أكل حلا , عشان عشاء خلاص من شوي ..
وأنا في خبي أكل حقت أنتا بابا ..

فواز ( عشان كذا المجلى مليان صحون ): أهم شيء العيال تعشو ..؟

نانسي: أي الحمدلله ..

وبصوت عالي وبقهر: نانســي وطير , ياحقــيرة أنا أناديك ..

نانسي بخوف: أنا في جيب مدام ..

وخذت الصــحن الحلا , وقدمته لضيوف مدام منال ..

توجه لغرفته , شلـح ثوبة وشماغة الأحمـر ..

لبس بجامته , عبارة عن بلوزة نصف كم أبيض , وفاتح كم زر من بلوزته القطنية , وسروآل فضفاض أبيض ..

تعطر بعطره الهادئ ..
لبس نظارته المخصصة للقارئه ..
وهو يقرأ كتابة المفضــل , أللي يختص بمجال علم النفس

رجع شعره لورى ..
أندمــج بقرآئته ..
وبعد لحظات , إلا بدقه الباب , مئة بالمئة مهوب منال .. !

منال تشـرع الباب بس ما تدق ..

فواز ( وكاد أنها تعلمت من عواصف ) : أدخل ..

رائد فتح الباب: أمـي تقول رآحو الضيوف ..

فواز: يعطيك العافية , روح نادها قول أبوي يريدك ..

رائد:إن شاء الله يبه ..

فواز شاف ساعة الحائط تعلن عن دخول الساعة 12:10
حط كتابة على جنب , ظل يستغفر عشان يتمالك نفسه عند الغضـب ..

إلا الباب يتشـرع بكل قوته ..
قطت نفسها بالسرير ..

فواز: !!!

منال: يا ربـــي تعبت حيــل ..

فواز: عسى أنتي أللي غسلتي الصحون ولا نظفتي المكان ولا طبختي ..؟

منال بملل: منيب فاضيـة لمزاجك الثقيل ..

فواز خذ نفس عميق وبود: شكلك تعبانة حيل حياتي .. !

منال طالعته بنصف عين: وش عندك ..؟ ترى والله مهوب لايق عليك ..

فواز ولا كنه يسمعها وهو يحاول يجامل ويمدح شكلها , على الرغم أن لا شكلها ولا لبسها عاجبه , بس النساء تعشق المدح: وبعدين وش هالزين , ووش هالذوق والأناقة , ما شاء الله ..

منال أبتسمت: تسلم فواز , كلك نظر , وطالمة أنت مروق وهادي غيرر عن عادتك , أنا بفاتحك بموضوع , مهم بنسبة لي ..

فواز ( قل أعوذ برب الفلق , من شر ما خلق .. ) وهو يقول الأذكار عشان اعصابه ما تتلف ) : أي تفضلي حياتي ..

منال بحزن: صاحبتي عواطف ..

فواز ( يا الله , عواصف فيها أجل الموضوع مهوب جاي على خير ): علامها ..؟

منال : قهرتني , تصور فواز زوجها واعدها بسفره لاندونيسيا بها العطلة , وأنا جالسة مكاني ..

فواز ( أمنــــت با الله ) : طيب حياتي , وش رآيك نطلع مع أهلك وأمي والعيال لشالية .. ؟

منال بقهر: وهذا أللي عندك أنت ..!!

فواز: يا عمري أنتي , أنتي تدرين طبيعة عملي , ما تسمح لي السفر بكثرة , ولو سافرنا , مهوب عاجبك يومين أو 3 , لزوم أسبوع أو أسبوعين ..



يتبــــع |

  رد مع اقتباس
قديم 2014-10-17, 08:29 AM   #8
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 



فواز: يا عمري أنتي , أنتي تدرين طبيعة عملي , ما تسمح لي السفر بكثرة , ولو سافرنا , مهوب عاجبك يومين أو 3 , لزوم أسبوع أو أسبوعين ..

منال بعصبيه: وأنت هذا ردك , لوعت كبدي بكلامك وأساليبك البايخه أللي مالها داعي ..

فواز: يا منال , أنا نفسي بحل معك , أن جيتك بالهدآوه واللين ما نفع , وأن جيتك بالصرآخ هم ما نفع , وش أللي ينفع معك أنتي وقولي لي وأنا بسويه ..

منال تأففت بطفش: أللي ابغيه , أنت مطنشني فيه ..
وقامت من السرير ..
فواز وهو يشوف لبسها الفاصخ أللي لين الفخذ .. !

حاول يكتم اعصابه وغيضه: منال مو قلت لك , لا تلبسين هالملابس الفاصخة ,
أنا قبل أتعمد أني ما أجي من بدري على أساس منقهر أو أعصب عليك ,
على لبسك أو على أنك تخلين التنظيف كلــه على نانسي ..

منال بقت عينها: لا والله , يعني حضرتك تبغاني أشتغل عنها , وش الفايدة لما تعطيها مصروفها أجل ..

فواز بتفهم: يا منال أنا مو قصدي أنك تشتغلين عنها , أنا قصدي أنك تساعدينها على الأقل ,
أو خفي عليها من هالحمل الثقيل , أرحمو ما في الأرض يرحمكم ما في السماء ..

منال با أنفعال: ادري أنك تحب نانسي أكثر مني ..

فواز بصدمة: هذا هي عقليتك يعني ! للأسف وحدة مثلك تكون معلمة , وبعد معلمة ديــن على هالعقلية المحدودة ..

منال بكره: أدري أنك تبي تبعد الشبهات عنك , بس أنا كشفتك ..

فواز يدعي الخوف: لا منال تكفين , لا خوفتيني ..

منال بحده: صدقني بتندم , على قد شعر رأسك يا غبي ..

فواز أنسدح ولف للجهة الثانية ..

منال بصرآخ: قوم وكلمــني ..

فواز ببرود , ونفس حركته: أبغــى أنام بيوم الأوف ..

منال شدت اللحاف من جسمه: قوم , قامت عليك حيطه إن شاء الله ..

فواز دفعها عنه بقوة , لما فقدت توآزنها وطاحت بالأرض وبصرآخ: آآآآه يا كلـــب ..

فواز بحده: كلب بعينك يا قليلة الأدب ..

وسحب لحافه وجنب الباب ..

منال بصدمة: أنت قــد سوآتك ذي .. !!

فواز: حمدي ربك أنها جات على كذا , ولا المفروض أخذك وأضربك بالخيزرآنه على ظهرك ..

منال بصدمة من سوآته , أنه كيف يتجرأ ويدفعها با الأرض ..

فواز طلع من الغرفة وصعد فوق عند أمه ..

شافها جالسة بالصالة , تشوف فلم أكشــن ..

أم فواز من عشآق أفلام التحدي والأكشــن .. !

حآول أنه يتسحب بشويش على أساس ما تنتبه له ..

أم فواز أستغربت خطوات ولدها الحريصة وبحسن نيه: تعال يا يمه , أنا صاحيه منيب نآيمة ..

فواز ألتفت لها بشويش وأبتسم أبتسامه مزيفه: هلا يمه ..

أم فواز با أبتسامه: فديتك , على بالك أني نايمه , وجالس تتسحب زي الحرآمي ..

فواز أبتسم على حسن نيه أمه , وأنها ما تدري وش السالفة .. أقترب منها وبآس رآسها ..

أم فواز بستغرآب: ليه اللحاف معك يا ولدي ..؟

فواز:......

أم فواز: من معالم وجهك , تبين أنك متزآعل معها ! ( وتنهدت ) كل يوم شجار يا ولدي ..

فواز :للآسف هذا أللي حاصل ..

ام فواز: تعال أجلس جنبي يا ولدي ..

فواز جلس جنبها ..

أم فواز: وهالمرة الغلط من مين ..؟

فواز بتعب: منيب عارف يا يمه , والله منيب عارف ..

أم فواز: متحس أنك صاير حار معها شوي ..

فواز: مهوب مني يالغالية , تعبت والله أني تعبت , وأنا منيب صغير ..

أم فواز تمسح على شعره: بسم الله عليك , والله أللي يشوفك يعطيك بالعشرين ,
بس الحزن بمحياك وآضحة ومكبرتك شوي .. وإلا الكل لما يشوفك مع عيالك يقول أنك أخوهم , مهوب أبوهم .. آللهم صل وسلم عليه ..

فواز: الحمدلله يا الغالية , ربي أنعم علي بالذرية والمال والصحة وكثرة الخير , بس السعادة مهوب لي ..

أم فواز: أذكر الله يا وليدي , وأدعيه ..

فواز: أنا ادعيه أن الله يفكني من النسره أللي عندي ..



يتبـــع |




  رد مع اقتباس
قديم 2014-10-17, 08:29 AM   #9
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 


فواز: أنا ادعيه أن الله يفكني من النسره أللي عندي ..

أم فواز: هههههه الله يصلحك يارب ..

فواز: وأنا عند ربي صادق , وبعدين يا يمه أنتي ليه كلا معها , مع أني مشوف تصرفاتها لذاك الزود معك .. علاقتك بيها رسمية تقريبا !

أم فواز محبت تقول لـ ولدها سواياها , وتنهدت بصمت ,
وهي تغير الموضوع: ما ودك تغير الجو معها , أمكن تحسن من حالها وأسلوبها ..

فواز كشر: كان أنتحر يا يمه , أنا مصدق على الله أرجع لرياض ,
عشان أروح لعند الربــع , بنسبة لي روحتي للمجلس تريحني أكثر من البيت ..
وإذا على السفره أنا منيب مقصر يا يمه , راحت لجدة , مكة , المدينة , الأمارات , القصيم ,
عمان ولا فوق خمس مرات , وتجي صاحبتها عواصف وتتفلسف عليها بكم سفره رآحت لها ,
ماليزيا وفرنسا واندونيسيا , وطير يهفها هي وصاحبتها ..

أم فواز: ههههههه يا جعلك الصلاح .. سميتها عواصف بعد .. !
من سلم من ربيعاتها ولا لقبتهم .. فوزية ومسميها فوزية دريع ,
وعواطف وصارت عواصف , وهي منال العالم , ومريم صارت عذراء ..

فواز بضحكه: بذمتك مو لايقين الألقاب عليهم ..

أم فواز: هههههههه , عشان كذا أنا أضحك يا ولدي , لأنك جبتهم صـح .. بس وش سبب تسميتهم كذا ؟

فواز: عواصف , لأنها جد عواصف , تسبب مشاكل مالها أول ولا تالي ,
بسبب اقترحاتها لست منال العالم , ومنال العالم سميتها كذا , لأنها تجلس تكذب
وتتفلسف عند ربيعاتها الثلاثي المرح وهم يصدقونها , وبلاهم ما يعرفون أنها ما تدبر بالطبخ حاجة !

أم فواز: هههههههه ..

فواز كمل: مريم عاد ذي قصة , تتزوج وتتطلق , تقولين الرجال عندها زي الفساتين ,
وبالأخير هي المظلومة ومسكينة والعذرآء الطاهرة , وكل ألي خذوها مابهم خير بنظرها !
والست فوزية دريع عاد ذي زي العظــم بالبلعوم ..

أم فواز بضحكه: وليــه ..؟

فواز بحماس: لأنها جالسة تعلم الست منال العالم , عن مستحضرات تزيدها جمال بنظري ,
ومن أهمها زيت الثوم والبصـل أللي يبخر البيت كله , وتعلمها بعد وش أللي يرضي رجال هاليومين دول .. وآغلب نصايحها زي وجها ..

أم فواز:هههههههههه الله يرضى عليك يا فواز , وأنت من وين شايف صاحبتها , ليكون ترآقبها من بعيد بس .. !!

فواز: أفا عليك بس , أجل تتصورين هالشيء مني ..

أم فواز: أجل قول وين شايفها ..؟

فواز:أنتي تدرين أني كل ربوع بحفلة منال العالم , أني مرجع البيت إلا متوخر ,
وصادف مرة من المرات تعبت وجاني النومه رحت بتوجه لغرفتي إلا أشوفها مع الست منال العالم ,
بالغرفة توريها ملابسها ( وبمياعه وهو يقلد منال ) من مــــانجـــــــو ..

أم فواز: هههههههه يا جعلك السعادة ..

فواز من قلب: آللهم آمــــــــين ..

أم فواز: ياليتك كل يوم تجي وتضحكني زي هاليوم , يلا يايمه روح صالح منال العالم ..

فواز: لا أعذريني يا يمه , كلا أنا أللي أجيها وأبادر بالأسف , والغلط منها , لكن هم أجي أنا وأتأسف .. !
وهالمرة مالي نيه بشوفه وجها المشؤؤم , ولو بغيتي الجد تعبت وأنا أخذ دور الزوج المثالي , يلا يالغالية تصبحين على خير ..

أم فواز: وأنت من أهله يا فواز ..

باس رآسها , ودخل غرفة أمه وفرش له بالأرض , وأنسدح وعلى طول نام من تعب يومه .. !!

.
.
.

على الساعة 8:11 صباحا ..

جهزت الفطور كالعاده لامها وخالتها " مرت أبوها " وصايف ..

كان عبارة عن نواشف وبعد لمتهم بالسفرة ..

أم بكر :أبشرك رضى أبوك انك تشتغلين بالمشغل ...

لين بفرحه : صدق يا خاله ..

أم بكر با ابتسامه :وهل عمري كذبت عليك ؟؟؟

لين باست راسها ويدها : ما انحرم منك يالغالية ..

أم بكر : عاد هاه , لزوم الزين بشغلك وزيادة بعد ..

أم هدى ولين : وليه ؟؟

أم بكر : أنا كلمت أختي أم عبد الاله قالت أنها تحتاج أنها لموظفه استقبال , وطبعا لزوم تكون مزيونه وانيقه لأنها بتكون للاستقبال ..

أم هدى : وبنتي ما شاء الله عليها ..

أم بكر : انا اعني انها تزود الاهتمام , ولا تقول أنا تعبانه ولا مالي خلق اتزين اليوم , ترى اختي شديده بالشغل ..

أم هدى ولين : ههههههه .. ياحليلها ..

أم بكر :هههه أي بالله .. قالت لي أن ما عندكم لبس رسمي , عادي يعني ...

لين : كويس اجل ..



يتبــع |

  رد مع اقتباس
قديم 2014-10-17, 08:30 AM   #10
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

لين : كويس اجل ..

أم بكر تشرب عصيرها :أنا مدحت لها زينك واهتمامك واهي تشوقت لك , مو تجيبين العيد ...

لين بضحكه :أفا عليك يا الغالية , اعتمدي ..

أم هدى : متى تداوم اجل ..؟؟

أم بكر : بعون الله السبت ..


لين حست بالتفاؤل , أن وأخيرا بتشغل نفسها من بعد طلاقها , وبتفكير بأحد غير طليقها ياسر واهله ..!!

.
.
.
با أحدى المطاعم الرآقية ..
على الأجوآء الرومانسية ..

هاني: قلت لك نجيب العيال أحسن ..

ميثاء رفعت حاجبها: أكيد أنك أستخفيت , به أحد يروح لمطعم هو مع زوجته وبمطعم رومانسي بعد , ومعه عياله ؟

هاني: أي وش فيها , أحنا كلنا نأكل مع بعض , وصديقي سواها , شوفي عياله ماشاء الله ..

ميثاء تاففت: هالبدوي ذه أكل عقلك أكل , أي شيء يسويه أنت تسوي , ليكون تحبه وأنا مدري ؟

هاني: أكيد أحبه هو صديقي , ما انسى وقفاته معي , وبعدين أنتي لو شفتي عياله
ماشاء الله تقولين أن أعمارهم 30 وفوق , خصوصا عمر ونفسي يكون خالد زيه ..

ميثاء كشرت: لا إن شاء الله , ولدي بيصير أحسن وأفضل من هالقرويين ..

هاني باندفاع: ليه ماخذه عن البدو هالفكرة السطحية يا ميثاء , ولا أسمح لك ..

ميثاء ببرود: سمحت أو ما سمحت بالطقاق أللي يطق رأسك !

هاني حط الملعقة بالطاولة وبقهر: أنتي ليه أسلوبك كذا معي ؟ متى بتحسنينه يعني ..

ميثاء: يا هاني أنا لما طلبت أني أروح للمطعم غرضي أني أغير جو من أكلات البيت .. !

هاني با أبتسامه سخرية: ليه أنتي تعرفين تطبخين يعني ؟ مو هي أمي أللي لما تطبخ تجي لنا ما تقصر , ومرات أنا أللي أطبخ ..

ميثاء وهي تأكل: سد الموضوع رجاءا ..

هاني بقهر: طبعا بسده , لأنه مهوب عاجبك , الله يصلحك بس ..

ميثاء بادرته بالبرود وعدم الأنصات , رغبتها بتغير الجو , أو ربما هي تهمش بعض الأمور , رغم أهميتها لدى زوجها !!

.
.
.

دخل غرفته , أستغرب أنه مشاف منال العالم ..

معقولة تكون قامت من بدري , بيجوز .. !!

الغرفة وسخة , كما لو كان أعصار تسونامي , قد حل به , وكاد أن ساعتها ضاعت كالعادة , لأنها غير منظمة تقريبا .. !!

اليوم ما عنده دوآم , نظآمة شفتات , وله أيام بالأسابيع محددة يروح بيها ..

بعد ما أمر نانسي تسوي فطور , وبحول نصف ساعة يكون جاهز ..

أخذ دوش طويل بخلاصة اللآفندر , أللي يعمل على تهدئة الأعصاب والأسترخاء التام ..

نشف جسمه وشعره , لبس قميص وكاعدته أنيــق وجذآب ..

تعطر , ورجع شعره لورى ..

بعد عشرين دقيقة ..

نزل تحت , شاف أمه باس رآسها .. وجلس يتبادل اطرآف الحديث معها ..

إلا بجيه نانسي: بابا في جاهز فطور ..

قام مع أمه ..
وبنصف فطورهم ..

مدت له الورقة , وهو مستغرب وبتريقه: شفتي يا أم فواز , به معجبين يرآسلوني من أندونيسيا ..

أم فواز: ههههههههه ..

نانسي: هادا رسالة من مدام منال ..

فواز يدعي الذهول: أووه , وأنا سنين أعلمها الذرآبة وأحين قامت تكتب رسايل لي ..

أم فواز بخوف: هي ما ترسل رسائل إلا وبه مصايب مسويتها , أقرآ وشوف محتوآها ..

فواز قرأ الرسالة , وناظر با أمه وسكت .. !

أم فواز ويدها على قلبها: وش كاتبة ..؟




آنتهــــى البارت |







  رد مع اقتباس
قديم 2014-10-18, 02:54 AM   #11
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

.. البارت الثالــــــث ..

مدت له الورقة , وهو مستغرب وبتريقه: شفتي يا أم فواز , به معجبين يرآسلوني من أندونيسيا ..

أم فواز: ههههههههه ..

نانسي: هادا رسالة من مدام منال ..

فواز يدعي الذهول: أووه , وأنا سنين أعلمها الذرآبة وأحين قامت تكتب رسايل لي ..

أم فواز بخوف: هي ما ترسل رسائل إلا وبه مصايب مسويتها , أقرآ وشوف محتوآها ..

فواز قرأ الرسالة , وناظر با أمه وسكت .. !

أم فواز ويدها على قلبها: وش كاتبة ..؟

فواز: وش أقول لك , أغلبه سب وشتم , بس مضمونها أنها رآحت لعند أهلها , وأن عمر ودها بالفجر .. !

أم فواز: لا حول ولا قوة إلا با الله العلي العظيم , أحين بتجيب أخوآنها ..

فواز: فكــه ..

أم فواز: مكنا عمرها بالأربعين , اساليبها وتصرفاتها واحد بـ 9 سنه ..

فواز: يا يمه , لا تاخذين الثقافة والفكر من مبدأ العمر يالغالية .. يا مال يجيك واحد عمره 20 وفكره وعقله بالخمسين !
ويجيك واحد عمره بالأربعين وفوق , وعقله عقل واحد 9 سنه ..

أم فواز تنهدت: أي با الله أنك صادق , بس أللي أفكر بيه أنها معلمة ودين بعد ..

فواز وهو يأكل الزيتون الأسود: هذا الموضة الدارجة يا يمه , ولا تغترين بالمعلمين ترى " البعض منهم " هم بعد فاشلين بحياتهم , غير ناضجين بالفكر ..

أم فواز: وش الحل يا فواز ..؟ بترآضيها ولا وش ..؟
فواز: أبد يا يمه مالي نيه بهالشيء , وإذا على أني أراضيها تحلم , أنا مغلطت هي أللي غلطت , ويالغالية فطري .. ( وخذ عصير البرتقال وقام شربها اياه ) غصبن عنها ..
.
.

بغرفة البنات , أفتحت الدولاب وهي تدور على لبسه ..
وبملل: أووف , بيسان تعالي ساعديني ..

بيسان قامت لها: لبسي جلابية ..

وعد ناظرتها بنصف عين:وع , حلفــي بس , أنتي أللي لبسي جلابية ..

بيسان:ههههه طيب لبسي ميدي , على تيشيرت .. ( وطلعته لها ) وش رآيك بذا ..؟

وعد: طيب , يعطيك العافية .. ما تقصرين يا خيه ..

بيسان أبتسمت لها: ماسويت شيء وعودتي ..

ريفان بسؤال: الجيه عليهم الخميس مو ..؟

بيسان: أي فديتك ..

ريفان با أبتسامه: كويس أجل ..

وعد: بس الله يعينا على الكرف , تدرين نانسي ما تقدر لحالها وأمي راحت لبيت أهلها ..

ريفان وبيسان با اندفاع:كيــــــف ومن متـــى ..؟؟؟

وعد: جاني أرق , ولا قدرت أنام بدري , وأسمع رقعت باب غرفة اخوآني بقوة , وطلبت من عمر أنه يوديها بيت أهلها والشنطة بيدها ..

بيسان ناظرت ريفان بحزن ..

ريفان تنهدت بهــم: مدري متى بتتغير أمـــي .. !

وعد: أي بالأحــلام ..

.
.
.

بصوت عالي: يلا عجلو , تدرون خالكم ما يحب أحد يتوخر عن الموعد ..

منى نزلت من الدرج: أي بدري على الساعة 12 ..

أم رعد:لا مهوب بدري , أنا أعرفكم كل وحدة على متجهز نفسها , يبا لها ساعتين وزود ..

منى با أبتسامه: والله ودي أروح من أحين , لعند خالو فواز أشتقت له حيــل ..

أم رعد: يا آلله أن تصبرني على منــــال وسخافتها ..

منى سرحت فكرها لبعيد , وقامت صعدت فوق لعند أختها جود ..


على الساعة 12:11 بالظهــر ..
تجمعت العائلة ببيت أبو عمــر ..

أم رعد بصدمة: من جدها ذي رآحت ..؟


يتبـــع |

  رد مع اقتباس
قديم 2014-10-18, 02:55 AM   #12
دلـ،ـع حَسبتّك . ♡
 
حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ has a reputation beyond repute حلاهآا عتيبي ♪ غير متواجد حالياً

 

على الساعة 12:11 بالظهــر ..
تجمعت العائلة ببيت أبو عمــر ..

أم رعد بصدمة: من جدها ذي رآحت ..؟

أبو عمر: هذا عمر جنبك وأسأليه ..

عمر: بالفجر طلبت أني أوديها وهي تصارخ ..

أم رعد بقهر: وش الجديد , هي مغير تصارخ مالت عليها ..

أم فواز تنهدت: أستغفر الله العلي العظيم ..

أم رعد بحماس: وش رآيك نزوجك يا خوي ..؟

أبو عمر با ندفاع:مالي نيه بالزواج , أبي أفتك من أللي عندي وأرتاح ..

أم رعد ناظرت بعمر: وهـــل عيالك رآضين ..؟

عمر ناظر أبوه وتارة فيها: الحياة حياة أبوي , صحيح أنا بزعل عشان أمي , بس أنا متدخل بقرارات أبوي ..

أم رعد بذهول:عيني عليك باردة يا فواز , عليك تربية لعيالك غير شكل ما شاء الله ..


عند البنات , بالصـــالة ..
ريفان: ممكن منديل وعودتي ..؟

وعد: أبشري ( ومدت لها )

جود: مدري كيف مربيكم خالي فواز ..

ريفان ألتفت لها: وش قصدك جود ..؟

جود: أساليبكم مع بعض تضحكني , لو سمحتي , ممكن , فديتك , حياتي .. قولي لها غصبن عليك تجبينه ..

بيسان: بالعكــس الأحترام بين الأخوآت أساس ..

منى با أعجاب: خالو فواز يهبــل بكل حالاته ما شاء الله ..

بيسان بغرور: فديت أبوي بــس ..

وعد تغير الموضوع: أجل مرجانه ماجت معاكم .. !

منى : إلا جات الخدامة معنا ..

جود: أنا أللي مشفت مرت خالو اليوم .. !

منى با أندفاع: إذا مهوب هنا , وكاد أنها ببيت أهلها ..

ريفان ووعد وبيسان ناظروا بعض بحــزن ..

إلا بدخله نانسي ..

نانسي: بنات , غداء في جاهز تغدوا لو سمحتوا ..

الكل :ههههههههههههه ..

منى بضحكه: يا زينك يا خالو فواز , حتى الخدامة معلمها أساليبه ..

بمجلس الرجــــال ..

فواز , عمر , رائد , يزيد , رعد , أبو رعد ..

وعند النســاء ..

أم فواز , أم رعد , ريفان , وعد , بيسان , جود , منى ..

وبعد الغداء الطيب ..

دخلوا البنات بغرفة بعيدة عن الصالــة ..
لما راحو ..

أم فواز: محبيت أنك تتكلمين قدام عمر عن منال , أو أنك تشورين فواز بالزوآج ..

أم رعد التفت لها: عمر يا يمه مهوب صغير , وفواز لما كان بسن عمر ,
كان عنده 4 عيال .. فواز معتمد على عمر بكل حاجة ولا مخبي عليه شيء ..

أم فواز: كلامك صحيح بنتي , بس مهما وش كان منال تظل أمه , وراح يتحسس من هالشيء ..

أم رعد:يالغالية العيال عارفين أكثر مني ومنك عن أساليب أمهم ,
ولاحظي بالبنات بعد مزعوجين من هالشيء , أمهم موجودة ولا كنها موجودة ,
وجودها وعدمه واحد , وأنا شرت عليه أنه يتزوج عليها أحسن له وبس ..

أم فواز تنهدت بحزن: والله أن هالولد محزني يا نورة ,
مدري وش السوات منيب شايفته مبسوط وسعيد , يدعي الضحكة والبسمة وهو بداخله تعيس ..

أم رعد: أحين عرفتي ليه شرت عليه بالزواج , وإذا أنتي متضررة من منال ,
هم أنا متضررة مثلك , بس محب أعلمه بسواليفها معك ومعي , عشان ما يتعب أكثر ..

أم فواز بين دموعها: حسبي الله عليها من مره , متعبه ولدي ,
يا جعل الله يتعبها ويروح عليها النعمة , أللي ما صانتها ..<< تقصد فواز ..

أم رعد: أنا بجري البحــث يا يمه , على وحدة بمستوى أخوي فواز , حتى لو عارضتي أو عارض هو ..

أم فواز تمسح دموعها: أخوك يا يمه مهوب صغير , ولا يريد نشبه العيال , أنا قصدي لو يتزوج ,
بيجيب كم عيال منه , وهو مهوب ناقص , أنا منيب أنانيه يا نورة , بس ولدي يريد الرآحة ..

أم رعد دقت الصدر وبثقه: البنت أنا بحصلها وصدقيني يا الغالية , أنا لقلت كلمة ألتزم فيها , وجاري البحــث ..

أم فواز خنقتها العبرة , وصارت تصيح بحزن قاتل: والله أني أدعي له أنه يبعده عن هالنسره منال ,
ويزوجه حرمه , ست بيت , مثقفه , متواضعة , حنونه على عياله ,
تهتم بنفسها وبزوجها , وروحها طيبه .. بس هالبنت ما بعد تجي ..





يتبـــع |

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبه , احبك , بخنون , رواية , ساندرا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة أحبك كثر ما جانا صباح ( ن ) يشبهك نوره # ماندُولين♩ قصائد صوتية 2 2014-11-15 05:06 PM
رواية لمى في شقة شباب ملوكاا روايات كامله ، روايات طويله ، روايات رومانسيه ، روايات حزينه ، روايات جديده 12 2014-10-11 01:51 AM


الساعة الآن 08:11 AM.


Powered by vBulletin® Version
Copyright ©2000 - 2018, vBulletin Solutions, Inc. seo by : www.resaala.net
Search Engine Friendly URLs by vBSEO 3.6.1
دعم Sitemap Arabic By